سەرۆکێ ئەرمینیا، ئارمین سارکیسیان سوپاسی و پێزانا خوە بۆ وان مالباتێن کوردان تەکەز کر ئەوێن د دەما جینۆساییدا ئەرمەنییان ب ھاریکارییا ھەڤوەلاتی یێن ئەرمەن کری و پەنا وان دای و کورد ب برایێن بەرتەنگییێ وەسف کرن.
رۆژنامەیا ئەھرام، چاپا قاھیرە، ھەڤپەیڤینەک ل گەل سەرۆکێ ئەرمینیا “ئارمین سارکیسیان” ئەنجام دایە و تێدە بەھسا بوویەرێن جینۆساییدا ئەرمەنییان کرییە، کو د داوییا دەستھەلاتداری یا ئۆسمانییان و د دەستپێکا دامەزراندنا دەولەتا نوو یا ترکیێ د ناڤبەرا سالێن ١٩١٥ ھەیا ١٩٢٣ ھاتبوو ئەنجمادان.
د وێ ھەڤپەیڤینێ دە، سارکیسیان گۆتییە: حکومەتا ترکیێ مفا ژ رەوشا دەما شەرێ یەکەما جیھانی وەرگرت؛ داکو پیلانا کوشتار و ژناڤبرنا یەکجاری یا ئەرمەنییان دارێژە و د ناڤبەرا سالێن ١٩١٥ان ھەیا ١٩١٦ان گەلەک تاوانێ مەزن دەرحەقێ گەلێ ئەرمەنی ئەنجامدان.
دەربارێ رۆلا کوردان ژی، سەرۆکێ ئەرمینیا گۆت: ئەم سوپاسییا برایێن بەرتەنگییێ دکین، ب تایبەتی یونانی، ئاشوری، سریان، جوھی و ئێزدی ھەروەھا کەساتی و مالباتێن کورد و تورک کو ژییانا خوە خستن د مەترسییێ دە، داکو ھاریکارییا ئەرمەنی یێن لێقەومایی بکن و ژییانا گەلەکان ژ وان رزگار کرن.
د ٢٤ نیسانا ھەر سال دە، گەلێ ئەرمەنی بیرانینا کۆمکوژی و جینۆسایدا ملیۆن و نیڤ ھەڤوەلاتی یێن ئەرمەنی دکن کو ژ ئالییێ ترکیا ئۆسمانی و ترکیایا نوو ل بەرنابەر وان ھاتە ئەنجامدان.
