هەرچەند پەکەکە خوە ب پارتییا کارکەران دزانە، لێ بەلێ هەر ژ یەکەم رۆژا دامەزراندنا خوە هەیا نهە بوویە بارەک گران ل سەر ملێن کارکەرێن کوردستانێ و ل جیێ بەرەڤانیێ ژ ماف و داخوازیێن کارکەران بکە، بەرەڤاژی بارێ وان گرانتر و رەوشا وان خهرابتر دکە.
پەکەکە هەر ژ دامەزراندنا خوە هەیا نها ب پەرە وەرگرتن ژ کارکەر و کاسبکار و بازرگانێن کورد و بازرگانی کرن ب ماددەیێن هشبەر خوە ب رێڤە دبە، د چەندین نووچەیان دە ل پێگەها «دارکا مازی» ب بەلگە ئیماژە ب ڤێ یەکێ هاتیسە کرن کو پەکەکە رەحمێ ب کۆلبەرێن رۆژهلاتێ کوردستانێ ژی نابە و باجێ ژ وان دستینە، گەر کۆلبەرەک رازی نەبە باجێ بدە، وێ وەرە سزادایین.
تێ زانین کو پشتی تێکچوونا رەوشا ئابووری یا جیهانی ب سەدەما ڤیرۆسا کۆرۆنا، و داخستنا سینۆرێن ولاتێن ئەورۆپی، هەروەها ئێریشێن بەردەوام یێن دەولەتا ترکیێ ل سەر پەکەکێ، رەوشا ڤێ رێخستنێ یا ئابووری پڕ خەرابتر بوویە، ژبەر ڤێ یەکێ پەکەکێ پەنا بریە بەر رەڤاندنا خۆرتێن کورد ل باشوورێ کوردستانێ و ل همبهر سەربەست بەردانا وان داخوازا پەرەیان ژ مالباتێن وان دکە.
