به‌رپرسه‌كێ دن یێ په‌كه‌كێ دبه‌ ئارمانج

به‌رپرسه‌كێ دن یێ په‌كه‌كێ دبه‌ ئارمانج

به‌رپرسه‌كێ دن یێ پارتییا كاركه‌رێن كوردستانێ، ب ناڤێ «خالس ئه‌رۆگلو» كه‌ت به‌ر ئێریشێن ده‌وله‌تا تركیێ و جانێ خوه‌ ژ ده‌ست دا، وی د كاته‌گۆرییا ده‌وله‌تێ یا داخوازكرییان ده‌ جی دگرت.

ل گۆر ئاگاهیێن ده‌ستێ مه‌، پله‌دارێ په‌كه‌كێ یێ ب ناڤێ «خالس ئه‌رۆگلو و كۆد ناڤێ هه‌ژار»، ل دۆربه‌را پارێزگه‌هییا ئه‌رزه‌روومێ، كه‌ت به‌ر ئێریشا جاندرمه‌یان و د په‌ڤچوونان ده‌، جانێ خوه‌ ژ ده‌ست دا.

ناڤبووری ل شینكایا ناڤچه‌یا ئه‌رزه‌روومێ د ئێریشه‌كه‌ جاندرمه‌یان ده‌ جانێ خوه‌ ووندا كر، ده‌وله‌تا تركیێ ژی ئیرۆ ئه‌شكه‌ره‌ كر كو هه‌ژار د كاته‌گۆرییا داخوازكرییان یا ره‌نگ گه‌ور ده‌ جی دگرت.

تێ زانین ئارته‌شا تركیێ خه‌لات ب قاسی 500 هه‌زار لیره‌یان ژ بۆ ده‌سته‌سه‌ر كرنا هه‌ژار ده‌ست نیشان كربوو، لێ به‌لێ ئیرۆ به‌رته‌ره‌ف كرنا وی هات ئیلان كرن.