درۆنان گه‌ریلا ل باشوور هه‌ده‌ف كرن

درۆنان گه‌ریلا هه‌ده‌ف كرن

باله‌فرێن بێ پیلۆت ئێن تركیێ ئیرۆ جاره‌كه‌ دن حه‌ره‌كه‌تا گه‌ریلایێن په‌كه‌كێ ل حه‌فته‌نینێ هه‌ده‌ف كرن و زرارێن جانی پێره‌ خستن.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كرن، ئیرۆ رۆژا یه‌كشه‌می 12/7/2020ان، باله‌فرێن بێ پیلۆت ئێن ده‌وله‌تا تركیێ ئێریشێ ناڤچه‌یا حه‌فته‌نینێ یا باشوورێ ولات كر و حه‌ره‌كه‌تێن په‌كه‌كێ هه‌ده‌ف كرن.

د ئێریشان ده‌، 3 گه‌ریلایێن په‌كه‌كێ جانێ خوه‌ ژ ده‌ست دایینه‌ و ھات راگھاندن د چارچۆڤەیا ئێریشێ ده‌  گەلەک موھیمات و ئالاڤێن ژیانێ یێن په‌كه‌كێ ھاتن بدەستخستن.

ل ڤێ ده‌ربارێ ده‌، ناڤه‌ندا مه‌دیایی یا هه‌په‌گێ بالێ له‌شكری یێ په‌كه‌كێ، تو ئاگاهی ل ده‌ربارا ژ ده‌ست دایینا 3 گه‌ریلایان نه‌ وه‌شاندنه، ژ ئالییه‌كێ دن ڤه‌، ده‌نگۆیێ كوشتنا هنه‌ك ئه‌سكه‌رێن تركان ئیرۆ ل حه‌فته‌نینێ هاتییه‌ به‌لاڤ كرن، لێ به‌لێ تو سازییه‌كه‌ فه‌رمی ئه‌ڤ نووچه‌ پشت راست نه‌كرنه‌.