ب سەدەما تەقینا بۆمبەیەکێ کو ژ بال رێخستنا تەرۆریستی یا داعشێ ڤە ل باکورێ پارێزگەها دیالا ل رۆژهلاتێ ئیراقێ هاتبوو دانان، سێ چەکدارێن حەشدا شەعبی هاتن کوشتن.
ل گۆر زانیارییان بۆمبەیەک چاندی ل ناحیا قەرەتەپە ل باکورێ پارێزگەها دیالا ب کاروانەکی هێزێن فەوجا یەک لیوایا 16ەمین ئا حەشدا شەعبی ڤە تەقیایە.
ب سەدەما ڤێ تەقینێ، سێ چەکدارێن حەشدا شەعبی ب ناڤێن، «مەهدی عەلی ئیبراهیم، سالح ئیبراهیم و محەمەد فەلاح عەبدلواحد» هاتینە کوشتن.
چەکدارێن كو هاتنه کوشتن تورکومانن و نیشتەجی یێن قەزایا خورماتوو ئا سەر ب پارێزگەها سەلاحەددینێ بوون.
تێ هین بوون کو ئەڤ تەقین د چارچووڤه‌یا قۆناغا چارەمین ئا ئۆپەراسیۆنا قارەمانێن ئیراقێ کو ژ دوهـ رۆژا شەمی ڤە ل سەر بریارا سەرۆک وەزیر و فەرماندارێ گشتی یێ هێزێن چەکدارێن ئیراقێ، مستەفا کازمی ب ئارمانجا ژ ناڤ برنا تەرۆریستێن داعشێ ل ناڤچەیێن سینۆری یێن پارێزگەها دیالایێ دەست پێ کرییە، روودایە.
