New York Times: بۆمبەبارانا نەتەنزێ ژ لایێ ئیسرایلێ ڤە ب هەماهەنگیا دگەل ویلایەتێن یەکبوویی ڤە ھاتیە ئەنجامدان

ل گۆری New York Times، تەقینا ل سازیا نوکلەری یا “نەتەنز” و ژناڤبرنا سەنتەرفییووژێن پێشکەفتی ل ڤێ سازیێ ژ بەری دەمەک درێژ ڤە ھاتبوو پلانکرن.

New York Times ب پشتبەستن ب دو چاڤکانیێن ئیستخباراتێ راگھاند کو ئیسرایل بەرپرسێ تەقینێ یە و ڤی وەلاتی ب ھایدارکرنا ویلایەتێن یەکبوویی ئەڤ کارە ئەنجام دایە.

نڤیسکارێن راپۆرێ، ل گۆری نرخاندنا پسپۆران ژ بۆ دیمەنێن سەتەلایتێ یێن پەقینا ڤێ سازیێ، گۆت کو گرانیا تەقینێ و زرار گھیشتنا ب سازیێ ژ وێ یەکێ یا کو بەرێ ھاتبوو راگھاندن گەلەک مەزنترە.

د راپۆرێ دە ھاتە گۆتن ھەرچەند کو ئێریشێ نەکاری بەرهەمئانینا سەنتەرفییووژێن پێشکەفتی ب تەمامی ژناڤ ببە، لێ بەلێ کاری پرسگرێکان ژ بۆ بەرنامەیا ناڤۆکی یا ئیرانێ دروست بکە و پێکانینا وێ ژ بۆ یەک-دو سالان پاش بێخە.

نووچەگھانێن نیۆ یۆرک تایمس ئێریشا ل سەر سازی یا نوکلەری یا “نەتەنز” ب ئێرشەکە وەکە ئێریشا ١٠ سال بەرێ ل سەر بنگەھێن نوکلەری یێن ئیرانێ ھەڤبەر کر، و ب پشت بەستن ل سەر چاڤکانیێن ئیستیخباراتی نڤیساند کو تەقینا ل بارەگەھا ناڤۆکی یا “نەتەنز” ژی دەمەک درێژ پێش نھا ھاتیە پلانکرن.