ئاژانسا فرانس پرێس نھا د حەسابا خوە یا تویتەرێ دە راگھاند کو ل سەر سینۆرێ د ناڤبەرا ئەرمەنستان و کۆمارا ئازەربایجانێ دە پەڤچوونەک چێبوویە.
ل گۆری Euro News، د ئەنجاما پەڤچوونەک سینۆری یا د ناڤبەرا کۆمارا ئازەربایجان و ئەرمەنستانێ دە، کو ل ئێڤارا رۆژا یەکشەمی روودا، ٢ سەربازێن ئازەربایجانێ ھاتن کوشتن و ٥ ژی بریندار بوون.
ل گۆری ڤێ نووچەیێ، وەزیرێن پاراستنێ یێن ئەرمەنستانێ و کۆمارا ئازەربایجانێ ئێڤارا ئیرۆ دو داخویانیێن جودا بەلاڤ کرن، کو ھەر یەک ژ وان ئالیێ دن سووچدار دکە ب بنپێکرنا سینۆرێن وەلاتێ خوە و ڤەکرنا ئاگر ل ھێزێن دژبەر.
وەزارەتا پاراستنێ یا ئەرمەنستانێ د ڤێ دەربارێ دە ئاماژە کر: یەکینەیێن ھێزێن چەکدارێن ئەرمەنستانێ ل دەڤەرا “تاڤۆزۆڤسکی” ل سەر سینۆرێ ھەردو وەلاتان نوقتەیێن مەیێن لەشکری ب تۆپێن ھاوەنێ ئارمانج کرن.
د بەردەوامیا ڤێ داخویانیێ دە ھاتیە: “ھەیا نھا، پەڤچوون ل ڤێ دەڤەرا سینۆری بەردەوامن و ھێزێن مە دێ ڤێ رەوشا دژوار کۆنترۆل بکن.”
رەوشا ئالۆزا د ناڤبەرا باکو و یەریڤانێ ل سەر ھەرێما-کاراباگێ د شوباتا ١٩٨٨ان دە دەست پێ کر و بوو سەدەما شەرێ چەکداریێ ب ناڤبر د ناڤبەرا ڤان دو وەلاتان دە ل سالێن ١٩٩٢ان ھەیا ١٩٩٤ان.
