شه‌واته‌كه مه‌زن ئیرۆ ب به‌نده‌را بووشه‌هر ئا ئیرانێ كه‌ت و هه‌ری كێم 3 گه‌می شه‌وتین، سه‌ده‌ما شه‌واتێ هێژان نه‌زه‌لاله.
ئاژانسا نووچه‌یێن رۆیته‌رزێ ئیرۆ رۆژا چارشه‌می 15/7/2020ان به‌لاڤ كر، شه‌واته‌كه مه‌زن ب به‌نده‌را بووشه‌هر ئا ئیرانێ كه‌تییه، هه‌ر چه‌ند كو زرارێن جانی تونه‌نه، لێ به‌لێ زرار ب هه‌ژماره‌ك گه‌میێن كو ل ور سه‌كنی بوون، كه‌تییه.
ل گۆر مه‌دیایا ئیرانێ، ئه‌ڤ شه‌وات ب حه‌وزا چێكرنا گه‌مییان كه‌تییه، هه‌ری كێم 3 گه‌می ل وێ بەندەرێ شه‌وتینه.
ئاژانسا ئێرنا ئا ئیرانێ ژ زاردەڤێ جیھانگیر دەھگانای، سەرۆکێ رێخستنا کریزان ل کەرتا بووشەھر ڤەگوھازتییە كو ھەیا نھا تو زانیارییەک ل دەربارێ سه‌دەما ئاگر پێکەتنێ نەھاتییە بەلاڤ کرن.
ئه‌ڤ ده‌ما چه‌ند رۆژانه هه‌ژماره‌كه بوویه‌رێن ته‌قین و شه‌واتان ل ئیرانێ چێبوونه، 2 ژێ ته‌قینێن مه‌زن بوون كو د ناڤه‌ندا ته‌هرانێ ده بوونه، ئیران ژی دبێژه ده‌ستێن ئالییه‌كی ل پشت ڤان بوویه‌ران هه‌نه.
