ئه‌رمه‌نستان و ئازهربایجانێ ئاماده‌یی ژ بۆ ده‌ست پێ كرنا دانوسته‌ندنێن راگرتنا شه‌ر ل هه‌رێما قه‌ره‌باخێ ئیلان كر.
وه‌زاره‌تێن كارێن ده‌رڤه ئێن ئه‌رمه‌نستان و ئازهربایجانێ ب داخوه‌یانیێن جودا، ئاماده‌یی ژ بۆ ده‌ست پێ كرنا دانوسته‌ندنێن راگرتنا شه‌رێ ل هه‌رێما سینۆری ئا قره‌باخێ، پاش كو ل رۆژێن رابووری هنه‌ك په‌ڤچوون ل نێڤبه‌را ئارته‌شێن هه‌ردو ولاتان ده ده‌ركه‌تین.
ئیرۆ رۆژا پێنجشه‌می 16/7/2020ان رایه‌دارێن كۆما «مێنسك» ئا گرێدای رێخستنا ئه‌رمه‌ن و كۆما هه‌ماهه‌نگ ئا ئه‌ورۆپایێ، ئه‌ڤ هه‌نگاڤا وه‌زیرێن ده‌رڤه ئێن ئه‌رمه‌نستان و ئازهربایجانێ پێشوازی كر و راگهاندن كو ئه‌وێ پشتگریێ بدن، چاره‌سه‌ریێن پرسگرێكا هه‌رێما قه‌ره‌باخێ.
ل 12 ڤێ مه‌هێ وه‌زاره‌تا پاراستنا نه‌ته‌وه‌یی ئا ئازهربایجانێ ئیلان كر كو ئارته‌شا ئه‌رمه‌نستانێ ئێریشێ هنه‌ك پێگه‌هێن ئازه‌ربایجانی ل ناڤچه‌یا «تۆفۆز» ئا سینۆر كرن و دان به‌ر گوللـه تۆپان.
ده‌ر بارێ ڤێ، وه‌زاره‌تا پاراستنا نه‌ته‌وه‌یی ئا ئه‌رمه‌نستانێ به‌رپرسیارییا ئالۆزی و په‌ڤچوونێن داوی خست بال ئارته‌شا ئازهربایجانێ و ئه‌شكه‌ره كر كو وان هه‌ولا ئێریشا ناڤچه‌یێن سینۆرێ وان كرنه.
ب ته‌ڤاهی د په‌ڤچوونێن رۆژێن رابووری ده، 7 ئه‌سكه‌رێن ئازهربایجانێ هاتن كوشتن یه‌ك ژێ فه‌رماندار بوو، ئازه‌ربایجانی ئێریشێن هه‌وایی ل سه‌ر پێگه‌هێن ئه‌رمه‌نستانێ كرن و زرارێن مه‌زن پێره خستن.
هه‌رێما قه‌ره‌باخێ دكه‌ڤه باشوورێ قه‌فقازێ، ل رۆژئاڤا ئازهربایجانێ، شێنیێن وێ 138 هه‌زار كه‌س بوون و پرانی ژێ كورد بوون، لێ به‌لێ ژ سالا 1992ان كه‌تییه ژێر كۆنترۆلا ئازه‌ربایجان و ئه‌رمه‌نستانێ و كوردێن وێ ده‌رێ كۆچ كرن.
