فه‌رمانداره‌كێ پله‌ بلند هات كوشتن

فه‌رمانداره‌كێ هه‌ری به‌رز هات كوشتن

فه‌رمانداره‌كی هه‌ری به‌رز ئێ ئارته‌شا ئیراقێ د ئێریشه‌كێ ده‌ ل باكورێ به‌غدا ئا پایته‌خت جانێ خوه‌ ژ ده‌ست دا وه‌ختا كو ئه‌ره‌به‌یا وان كه‌تی‌ به‌ر ئێریشه‌كا ته‌رۆری.

شانەیا راگھاندنا ئەولەھیێ ئا گرێدای وه‌زاره‌تا به‌رگرییا ئیراقێ، ئیرۆ رۆژا شه‌می 18/7/2020ان راگەھاند، د ئێریشەکه‌ چەکداری دە كو ل باکورێ بەغدایێ هات ئه‌نجام دایین، فەرمانداره‌كی له‌شكری ب پلەیا عەمید روکن هات كوشتن و چار له‌شكرێن دن بریندار بوون.

شانەیا راگھاندنا ئەولەھیێ ئه‌شکەره‌ کر، د ئێریشەکه‌ تەرۆریستی دە ل سەر ئه‌ره‌به‌یا له‌شكری کو ل «بن سینا» ئا ناڤچه‌یا «تارمیێ» ل باکورێ بەغدایێ ھات ئەنجام دایین، عەمید روکن، «عەلی حەمید غێدان»، فەرماندارێ لیوایا 59 ئا ئارته‌شا ئیراقێ ھاتە کوشتن.

هه‌موه‌خت د ئێریشێ ده‌، 4 له‌شكرێن دن بریندار بوون، برینا هنه‌ك ژ وان دژواره‌، هه‌ر چه‌ند كو شانه‌یا راگهاندنا ئه‌وله‌هیێ ئاماژه‌ ب ئالیێ ئێریش ئه‌نجام دایی نه‌كر، لێ به‌لێ مه‌دیا ئیراقێ دبێژه‌ کو ئەو ئێریش ژ ئالیێ چەکدارێن داعشێ ڤە ھاتییە ئەنجام دایین.