سەرۆکۆمارێ ئیرانێ حەسەن رۆحانی ل تەھرانێ پشتی جڤینا لژنەیا ته‌کۆشینا نەتەوەیی یا دژی کۆرۆنا ڤیرۆسێ ئاخڤی و ل ده‌ربارێ ته‌کۆشینا كو ئەڤ پێنج مەھە ل سەرانسەرێ ئیرانێ دژی شەوبا کۆڤید-19ێ تێ دایین، ئاگاھی دا.
ل گۆر راپۆرا وەزارەتا تەندورستیێ یا ئیرانێ ھەتا نھا ل ئیرانێ 25 ملیۆن کەس ب شەوبا کۆڤید-19ێ کەتن و رۆحانی ژی گۆت: «د مەھێن پێش مە دا دبە کو نێزی 30-35 ملیۆن ئیرانی ب شەوبا کۆڤید-19ێ بکەڤن.
رۆحانی راگھاند کو د مەھێن پێش دا ھەژمارا کەسێن ل نەخوەشخانەیان وێ بێن تەداوی کرن ب قاسی دو قاتی دێ زێدە ببن.
د ئاخافتنا خوە دا رۆھانی ب بیر خست کو ھەتا نھا ل ئیرانێ نێزی 14 ھەزار کەس ژ بەر کۆڤید-19ێ مرن و ژ ٢٠٠ ھەزاری زێدەتر کەس ژی ل نەخوەشخانەیان ھاتن دەرمان کرن و ژ وەلاتییان خوەست کو بلا ل گۆر رێ و رێزکان تەڤ بگەرن دا کو نەخوەشی زێدە بەلاڤ نەبە.
