کۆنگرێسا ئامەریکایێ ل سەر کرینا سیستەما S-400 پێشنومایەک قانوونی ل سەر جەزایێن ل دژی ترکیەیێ دشۆپینە

کۆنگرێسا ئامەریکایێ ل سەر کرینا سیستەما S-400 پێشنومایەک قانوونی ل سەر جەزایێن ل دژی ترکیەیێ دشۆپینە

ئەندامێن کۆنگرەیا ئامەریکی رۆژا ئەینی 17 تیرمەها 2020ان پێشنومایەک قانوونی ل سەر جەزایێن ل دژی ترکیێ ل دوو کرینا سیستەما مووشەکی یا بەرەڤانیا ھەوایی یا S-400 ئا رووسی پێشکێش کرن.

ل گۆری نووچەیێن ئاژانسان، ئادام کنزنگەر، ئەندامەک کۆمارپارێز ئێ کۆنگرەیا ئامەریکا کو یەک ژ وان ئەنداما یە کو ئەڤ پێشنومایە ئامادە کری گۆت: ئیرۆ پارلامەنتەرێن وەکی ئادام کنزنگەر، ئەبیجیل سپانبەرگەر و مایکل ماکول، جیگرێ سەرۆکێ کۆمیتەیا کارێن دەرڤە د مەجلیسا نوونەران دە، پێشنومایا قانوونی یا ژ بۆ سەپاندنا جەزایان ل سەر دەستھلاتدارێن ترکیێ ل سەر کرینا پەرگالا مووشەکی یا بەرەڤانیا ھەوایی یا رووسی S-400 پێشنیار کرینە.

ئەڤ پێشنیارا یاسایێ، ب سەرناڤێ “قانونا رێگریکرن ژ هەناردەکرنا چەکێن رووسیایێ”، کرینا مۆشەکێن رووسیایێ وەکی پەیمانەک مەزن” پێناسە دکە کو پێویستە دگەل وێ ل گۆر قانونا تەکۆشینا ل دژی دوژمنێن ویلایەتێن یەکبوویی ب رێکا ئەمبارگۆیێن CAATSA سەرەدەری وەرە کرن.

مەھا بۆری، د بەرسڤا پرسەکێ دە دەربارێ ئیحتیمالا وێ یەکێ کو واشنگتۆن سزایان ل سەر ئەنقەرێ بسەپینە ل سەر کرینا سیستەمێن بەرەڤانیا S-400 یا رووسی، ترکیێ گەف خوارن کو ئەگەر ویلایەتێن یەکبوویی ل ھەمبەر وێ گاڤەک ب ڤی ئاوا بهاڤێژە وێ ترکیە بەرتەکان نیشان بدە.

گرێبەستا نەحس

ژ ئالیەکی دن ڤە، پشتی کو دەولەتێن یەکبوویی ژ بەر سەدەما پەیمانا ترکیێ ژ بۆ کرینا سیستەما S-400 ژ روسیا، بەشداریا ترکیێ د بەرنامەیا بەرهەمئانینا بالەفرێن F-35 دە راوەستاند، وەزیرێ دەرڤەیێ ترکیێ چاڤوشۆغلو د ھەڤپەیڤینەکێ دە لگەل تەلەڤزیۆنا “خبر” یا ترکیێ دە راگهاند، ترکیە ئامادەیە ژ بۆ کرینا بالەفرێن ئالتەرناتیفێن F-35 ئێن ئامەریکی، د ناڤ دە بالەفرێن رووسی.

ل گۆری نووچەیا ئاژانسا نووچەیان ئا ئاناتۆلیێ، وەزیرێ کارێن دەرڤەیێ ترکیێ راگھاند کو ئەنقەرە بەرهەڤە د بەرسڤا ھەر جەزایەکێ کو ئامەریکا ل سەر ترکیێ  بسەپینە، بکارئانینا هەر دو بارەگەھێن ھەوایی یێن ستراتەژیک “ئەنجەرلیک و کۆریسیک” ل وەلاتێ خوە ژ بۆ ئامەرکایێ قەدەخە بکە.

بالافرگەھا ئەنجەرلیک ل باشوورێ ترکیێ بنگەھا سەرەکەیا ئۆپەراسیۆنێن ئامەریکا ل رۆژھلاتا ناڤینە و د دەمێن داوی دە د شەرێ ل دژی داعشێ ل سووریێ و ئیراقێ دە رۆلەک سەرەکە لەیستیە. د دەمەکی دە کو بنگەھا کۆریسیک ل رۆژھلاتا ترکیێ بنگەھا سەرەکەیا رێخستنا پەیمانا ئاتلانتیکا باکورا ناتۆیە.