كۆمارا ئیسلامی ئا ئیرانێ، ئیرۆ جه‌زایێ 16 سال زیندان كرن ژ بۆ 3 خۆرتێن رۆژهلاتا ولات ده‌رخست، جینایه‌تا ئه‌ڤان خۆرتان، شه‌وتاندنا وێنه‌یێن قاسم سوله‌یمانی بوو.
ل گۆر رێخستنا هه‌نگاو ئا مافێن مرۆڤان، ل سالا رابووری هێزێن ئه‌وله‌هیێ ئێن ئیرانێ، 4 خۆرتێن كورد ئێن باژارێ بانه ئێ رۆژهلاتا كوردستانێ، ب ناڤێن «ئارمان حسێن زاده ته‌مه‌ن 20 سال، به‌همه‌ن ره‌حیمی 19 سال، میلاد حسێنی 19 سال و سینا عه‌بدوللاهی 17 سال» ب سووچا شه‌وتاندنا وێنه‌یێن قاسم سوله‌یمانی ئێ فه‌رماندارێ به‌رێ ئێ فه‌یله‌قا قودسێ، بن چاڤ كر بوون.
ل گۆر رێخستنا هه‌نگاوێ، دادگه‌ها سه‌قزێ حوكمێ 6 سال و 7 مه‌هـ ژ بۆ ئارمان حسێن زاده، 6 سال و 6 مه‌هـ ژ بۆ میلاد حسێنی، 3 سال و 6 مه‌هـ ژ بۆ بەهمەن رەحیمی ده‌رخست، لێ به‌لێ هه‌یا نها جه‌زایێ سینا عەبدوللاهی نه‌هاتییه ئه‌شكه‌ره كرن.
راگهاندنا جه‌زایێ ڤان خۆرتان ل ده‌مه‌كی تێ كو ل ده‌ستپێكا ئیسالێ، باله‌فرێن ئا‌مه‌ریكایێ قاسم سوله‌یمانی و هه‌ڤرێیێ وی یێ هه‌شدا شه‌ئبی ئه‌بو مه‌هدی موهه‌ندس، ل نێزی باله‌فرخانه‌یا به‌خدایێ هه‌ده‌ف كرن و كوشتن، كوشتنا سوله‌یمانی كریزه‌كه هه‌رێمی و ناڤده‌وله‌تی ل په‌ی خوه ئانی.
