ل ئیرانێ ژبەر بلندبوونا بهایێ خانیێن کرێ، کۆنتینەران کرێ دکن
پشتی بلندبوونا زێدە یا بهایێ کرێ یا خانیان ل تەهرانا پایتەختا ئیرانێ، شێوازێ ژیانا کۆنتێینەرێ کو تێدە ژن و مێر ئالاڤێن خوە یێن ژیان کرنێ د وان کۆنتێینەرێن کرێ ل باشوورێ تەهرانێ ددانن و ئەو ب خوە هەر یەک دچە مالا باڤێ خوە، پەیدا بوویە کو ئەڤ یەک بوویە سەدەما پەیدابوونا ڤالاهیەکێ دناڤبەرا ژن و مێران دە.
ل گۆری ئاژانسا نووچەگھانیا ئیرنا، رۆژا یەکشەمێ، ١٩ێ تیرمەھا ٢٠٢٠ێ، ھەژمارەک ژ ژن و مێران کو ناھا نکارن ژ بەر زێدەبوونا بهایێ خانیێن کرێ ل یەکینەیەکە نشتەجیبوونێ ل تەھرانێ جیەکێ کرێ بکن و تێدە بژین، ئالاڤێن خوە یێن ژیان کرنێ ل کۆنتەینەرێن کرێ یێن کو دکەڤن باشوورێ تەهرانێ دانینە و ھەر یەک دچە مالا داییک و باڤێ خوە.
ئەڤ کرێدارە ب کرێ کرنا کۆنتێینەرەکە بچووک، ئالاڤێن خوە یێن مایی د ڤان کۆنتێینەران دە هلدگرن.
برێڤەبەرێ یەک ژ جی یێن کۆنتێینەران د ڤێ دەربارێ دە ژ بۆ ئاژانسا ئیرنا یا ئیرانی راگهاند: “90٪ ژ 2500 کۆنتێینەرێن 20 و 40 لنگی یێن ڤێ شیرکەتێ نها ژ ئالاڤێن ژیان کرنا وان ژن و مێرن کو نکارن خانیەکێ ژ خوە رە کرێ بکن پڕ بوونە”.
