ده‌ڤه‌رێن به‌رێ گاره‌ی و زێبارێ هاتن بۆردۆمان كرن

ده‌ڤه‌رێن به‌رێ گاره‌ی و زێبارێ هاتن بۆردۆمان كرن

باله‌فرێن ده‌وله‌تا تركیێ، ئێڤارا ئیرۆ جاره‌كه‌ دن ئێریشا باشوورێ كوردستانێ كر و ده‌ڤه‌رێن «به‌رێ گاره‌ی و زێبارێ» هه‌ده‌ف كرن.

چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره‌ كرن، ئێڤارا ئیرۆ رۆژا سێشه‌می 21/7/2020ان، باله‌فرێن ده‌وله‌تا تركیێ د ته‌عقیبا حه‌ره‌كه‌تێن په‌كه‌كێ ده‌، ئێریشی ناڤچه‌یێن باشوورێ ولات كر و هنه‌ك ده‌ڤه‌رێن پر گرینگ خستن به‌ر مۆشه‌كان.

هه‌روه‌ها ده‌ست نیشان كر، باله‌فران ل ساعه‌ت 3:50 ئێڤارێ مۆشه‌كه‌ك ل نوقته‌یێن په‌كه‌كێ ئێن ل سه‌رێ چیایێ كو دكه‌ڤه‌ هنداڤی گوندێ «شێرانه»‌ ئێ گرێدای ناڤچه‌یا سه‌ر‌سنك ل ده‌ڤه‌را به‌رێ گاره‌ی دانه‌.

پشتره‌ ل ساعه‌ت 4:00 ئێڤارێ باله‌فران مۆشه‌كه‌ك ل نۆقته‌یێن په‌كه‌كێ ل ده‌ڤه‌را ب ناڤێ «ده‌شتا كافیا» ئا ل سینۆرێ باژارێ ئاكرێ ل ده‌ڤه‌را زێبارێ دانه‌.

هه‌ر چه‌ند كو زرارێن په‌كه‌كێ هه‌یا نها ئه‌شكه‌ره‌ نه‌بوونه‌، لێ به‌لێ ل گۆر دیمه‌نێن ئێریشان دۆمانه‌كه‌ پر ل جیێ كه‌تنا مۆشه‌كا به‌رز بوویه‌.