ئامەریکا داخواز ژ چینێ کر د ٧٢ سائەتان دە بالیۆزخانەیا خوە ل ھۆستۆنێ قەپات بکە

ئامەریکا داخواز ژ چینێ کر د ٧٢ سائەتان دە بالیۆزخانەیا خوە ل ھۆستۆنێ قەپات بکە

پشتی ئیددیئایێن شەوتاندنا ئەڤراقان ئا ل بالیۆزخانەیا چینێ یا ل ھۆستۆنێ ئامەریکا بریار دا کو ئەڤ بالیۆزخانەیا چینێ د ٧٢ سائەتان دە بێ گرتن.

بەردەڤکێ وەزارەتا کارێن دەرڤەیێ ئامەریکایێ  مۆرگان ئۆرگاتوس دەربارێ مژارێ دە داخویانییەک بەلاڤ کر و تێدا دەستنیشان کر، وێ ئامەریکا  ژ وان ھەلوەستێن چینێ یێن کو پێ ژ دەستھلاتدارییا ئامەریکا رە دژبەرییێ دکە دەستوورێ نەدە.

بەردەڤکێ وەزارەتا کارێن دەرڤەیێ چینێ وانگ وەنبن ژی دەستنیشان کر خەبەرا گرتنێ یا بالیۆزخانەیا چینێ یا ل ھۆستۆنێ ژ وان رە ھاتیە دایین. وەنبن د بەردەواما داخویانییا خوە دە دیار کر ئەڤ قەرارا گرتنا بالیۆزخانێ قەرارەکە یەک ئالییە و ئەم تەلەب دکن ئامەریکا دەملدەست ژ ڤێ قەرارا خوە ڤەگەرە، ھەکە ئەڤ یەک نەیێ کرن وێ چین تەڤدیرێن دژوار بستینە و ڤێ یەکێ بێبەرسڤ نەھێلە.

بەردەڤکێ وەزارەتا کارێن دەرڤەیێ چینێ ئەڤ کارێ ئامەریکایێ ب  “پرۆڤاکسیۆنەک سیاسی” ب ناڤ کر و راگهاند: ئەڤ چالاکیا یەکالی یا ئامەریکایێ ب گرانی ھقووقا ناڤنەتەوەیی، پیڤانێن بنگەھینێن تێکلیێن ناڤدەولەتی، و پەیمانا کۆنسۆلی یا دو ئالی د ناڤبەرا چینێ و ویلایەتێن یەکبوویی یێن ائمەریکایێ دە بنپێ دکە.

وەزارەتا دەرڤە یا چینێ ھەر وەھا خوەندەکارێن چینێ یێن ل ویلایەتێن یەکبوویی دخوینن ھشیار کرن کو ژ لێپرسینێن خوەسەر یێن ژ ھێلا سازیێن ئەولەھیێ یێن ئامەریکی ڤە ھشیار بمینن.

ئامەریکا پێش نیڤرۆژا ئیرۆ ژ چینێ داخوازا کر د ٧٢ سائەتان دە بالیۆزخانەیا خوە ل ھۆستۆنێ قەپات بکە.