وەزارەتا ناڤخوە راگەھاندنەکە دن دەربارێ دۆسەیا دالیا موسلم بەلاڤ کر

ب ڤیدیۆ ببینە: وەکیلێ دالیا موسلمێ راستیا دۆسەیا وێ ژ بۆ وەزارەتا ناڤخوە یا هەرێما کوردستانێ ئەشکەرە دکە

وەزارەتا ناڤخوە یا ھەرێما کوردستانێ هۆرگلیێن ھاتنا دالیا موسلم بۆ ھەرێما کوردستانێ و ب قاچاخ چوونا وێ بۆ ترکیێ و گەھشتنا وێ ب مالباتا سەلامی رەمەزان مەحەمەد (سەلامی یەلماز) بەلاڤ دکە:

دەقا راگەھاندنا وەزارەتا ناڤخوە یا هەرێما باسوورێ کوردستانی:

پشتی دووڤچوونا دەزگەھێن ئەولەھییێ ل سەر چاوانییا چوونا دالیا مەحموود موسلم بۆ ترکیێ، ئەم شییایین ب رێیا کەفیلێ وێ ل ھەرێما کوردستانێ، ب ناڤێ “بەیار ئەحمەد سەید” کو بازرگانەکێ رونشتڤانێ دوھۆکێ یە، زانیارییێن زێدەتر ب دەست خوە بخن.

بەیار ئەحمەد سەید، روونشتاڤانێ باژارێ دوھۆکێ یە و کارێ بازرگانییێ دکە د ناڤبەرا ھەرێما کوردستانێ و ترکیێ دە، چاوانییا ڤەگەریانا سەلامی یەلماز و دووڤ رە ژێ، چوونا دالیا مەحموود موسلم ب ترکیێ باس دکە.

بەیاری، نیزکاھی و پەیوەندی ل گەل مالباتا سەلامی یەلماز ھەبوویە، د دەما ھاتنا دالیا موسلم بۆ ھەرێما کوردستان، بەیار ل سەر داخوازا مالباتا سەلامی یەلماز دبە کەفیلێ وێ و ل گەل سەلامی یەلماز د مالا خوە دە، وان دحەوینە.

پشتی ڤەگەرانا سەلامی یەلماز بۆ ترکیێ، دالیا ل مالا بەیار دمینە و دووڤ رە ژی ل سەر داخوازا مالباتا سەلامی یەلماز ب رێیا قاچاخ وێ دشینە ترکیێ. بەیار، دالیایێ ددە دەست وی قاچاخچییێ مالباتا سەلامی بۆ وی دەستنیشان کری و ل گەل وی رێککەڤتنە.

پشتی گەھشتنا دالیا ب مالباتا سەلامی یەلماز، وەک د وێنەیان دە خویا دبن، پەیەندییا بەیاری گەل وان بەردەوام دبە و مالباتا سەلامی ب بەیار رە راگەھاندنە کو سەلامی و دالیا ب سەلامەتی ب ھەڤ رە گەھشتنە و وان خوە رادەستێ پۆلیسێن مێرسینێ کرنە و دخوازن پشتی خوەناساندنێ ب پۆلیسان، ژییانا ھەڤسەرییێ پێکبھینن و ب ھەڤ رە بژین.

وەک د وێ پەیوەندییا ڤیدیۆیی دە، دیارە، سەلامی ب ئاشکەرا ب بەیار ئەحمەد رە رادگەھینە، کو دالیا ب رێیا قاچاخ دەرباز بوویە و ھاتییە جەم زەلامێ خوە و ئەڤێ یەکێ پەیوەندی ب ت کەسێ ڤە نینە و وێ خوە رادەستێ ترکیێ کرییە ل مێرسین و تەنێ وی و دالیایێ ئەڤ کارە ئەنجام دانە.

جھێ داخیێ د رۆژێن بوری دە، ھنەک خەلکی خواست راستییان شێلوو بکن و بازرگانییێ ب ڤێ مژارێ بکن. ئەم د دمەکێ دە، کو ئەڤان زانیارییا پێشکەش دکن دووبارە ژی ئامادەیا خوە نیشان ددین بۆ ھەر ڤەکۆلینەکا زێدەتر. ھێڤیدارین ئێدی ئەڤ مژار بۆ مەبەستێن سییاسی نەھێن بکارھینان و دەست   ژ ژییانا جڤاکی و تایبەتا دالیا مەحموود و سەلامی یەلماز بەردن.

وەزارەتا ناڤخوەیا ھەرێما کوردستانێ

٢٢/٧/٢٠٢٠