ل سێرتێ و خواكوركی 4 گه‌ریلا تێن هه‌ده‌ف كرن

ل سێرتێ و خواكوركی 4 گه‌ریلا تێن هه‌ده‌ف كرن

پارتییا كاركه‌رێن كوردستانێ 4 گه‌ریلایێن دن ل باكور و باشوورێ ولات ژ ده‌ست دان و ئێریشێن ده‌وله‌تا ترك ده‌وام دكن.

ل گۆر ئاگاهیێن ده‌ستێ مه‌، د 24 ساعه‌تێن رابووری ده‌، په‌كه‌كێ 4 گه‌ریلایێن خوه‌ ل باكور و باشوورێ كوردستانێ ژ ده‌ست دانه‌، 2 ژێ ل هه‌رێما خواكوركی ئا باشوورێ ولات بوون وه‌ختا كو كه‌تنه‌ به‌ر ئێریشێن باله‌فران.

ل باكورێ كوردستانێ ژی، دوهـ رۆژا چارشه‌می 22/7/2020ان 2 ئه‌ندامێن دن ئێن په‌كه‌كێ ل سینۆرێ ناڤچه‌یا شێروان ئا گرێدای سێرتێ هاتن هه‌ده‌ف كرن.

ژ ده‌ستپێكا ڤێ هه‌فتیێ ڤه‌، په‌كه‌كێ پێتر ژ 10 گه‌ریلایان د ئێریشێن تركیێ ده‌ ل باشوور و باكور ژ ده‌ست دانه‌، هه‌موه‌خت 2 ئه‌سكه‌رێن ترك ل ده‌ڤه‌را هه‌كاریێ هاتنه‌ كوشتن.