ل ناڤا سەربازگەهەکە حەشدا شەعبی تەقین چێبوو

ل ناڤا سەربازگەهەکە حەشدا شەعبی تەقین چێبوو

ئێڤارا ئیرۆ دەنگێ چەند تەقینێن بھێز ل ناڤ سەربازگەھا “سەقەر” ئا حەشدا شەعبی ل ناڤچەیا دۆرە یا بەغدایێ ھات بھیستن. بەردەڤکێ وەزارەتا ناڤخوە یا ئیراقێ ژی راگھاند، ئەو ھێژ نزانن چەند تەقین ل ناڤ وێ سەربازگەھێ چێ بوونە و لێکۆلینێن وان دەست پێ کرنە.

شانەیا راگھاندن ئەمنی یا ئیراقێ دەربارێ بوویەرێ دە داخویانیەک وەشاند و راگھاند، “دەمژمێر ١٨:٤٠ ئێڤارا ئیرۆ دو تەقینێن ل پەی ھەڤ ل ناڤچەیا “سیدیە” ل نێزیک جادەیا بەغدا-حللە و ب دیارکری ل سەربازگەھا سەقەر چێ بوونە.”

د داخویانیا شانەیا راگھاندن ئەمنی دە ھاتیە گۆتن، “ئەو ئاگاھی زانیاریێن دەستپێکێ نە و ئەم دێ زانیاریێن زێدەتر بەلاڤ بکن.”

ژ بال خوە ڤە هنەک سازیێن مەدیایی ل ئیراقێ ئەڤ یەک راگهاند کو دەنگێ 4 تەقینێن یەک ل پەی یەک هاتیە بهیستن.

هەر وەها هنەک سازیێن دن راگهاندیە کو سێ مووشەک بەر ب ڤێ سەربازگەها حەشدا شەعبی هاتینە تەقاندن و ئەڤ یەک پێکهاتیە، لێ بەلێ هەیا نها نەهاتیە ئەشکەرە کرن زرارێن جانی و مادی یێن ڤان تەقینان ل سەربازگەها سەقەر چەندە.