سەرۆکوەزیرێ ئیسرائیلێ بەنیامن نەتانیاھو هەڤدەم کو ھشیاری دا رەژیما ئیرانێ ژ ئەنجامێن ھەر ئێریشەکێ کو سەر ئیسرائیلێ وەرە ئەنجامدان ب رێکا بکارئانینا سووریێ و لوبنانێ ، تەکەز کر کو ئەو ت جاری دەستوورێ نادن ئیران فۆکوسا خوە ئا لەشکەری ل سەر سینۆرێن مە یێن باکور دانە.
ل گۆری ئاگاھیێن مەدیایا ئیسرائیلێ، نەتانیاھو د دەستپێکا جڤینا خوەیا ھەفتانەیا رۆژا یەکشەمێ، ٢٦ێ تیرمەھێ دە، راگھاند کو کریارێن ئیسرائیلێ ل ئەنیا باکور ب بەرجاڤ وەرگرتنا “سیاسەتەک هەماهەنگ تێ ئەنجامدان کو ت جاری دەستوورێ نادن ئیران فۆکوسا خوە ئا لەشکەری ل سەر سینۆرێن مە یێن باکور دانە.” . »
“سەرۆکوەزیرێ ئیسرائیلێ هەر وەها راگهاند “سووریە و لوبنان بەرپرسیارن ژ هەر ئێریشەکێ کو ل دژی ئیسرائیلێ ل سەر ئاخا وان وەرە پێکئانین، وی زێدە کر، ئەمێ نەھێلن ئەولەھیا مە بکەڤە خەتەرەیێ و گەف ل وەلاتیێن مە وەرن کرن. ئەمێ نەھێلن ھێزێن مە راستی ئێریشێ وەرن.”
نەتانیاھو دیار کر کو جڤینێن سەرکەتی ژ بۆ نرخاندنا رەوشێ دگەل وەزیرێ پاراستنێ بنی گانتز و سەرفەرماندارێ گشتی یێ ئارتەشا ئیسرائیلێ ئەفیف کۆخافی رە هاتینە ئەنجام دایین، و ئارتەشا ئیسرائیلی ئامادەیی یا پێویست هەیە ژ بوو کو بەرسڤێ بدە ھەر مەترسی و گەفەکێ ل سەر ئیسرائیلێ.
ھێژایی گۆتنێیە کو رۆژا ئەینی یا رابووری، ئارتەشا ئیسرائیلێ هنەک ئێریشێن ھەوایی ل دژی جھێن ئارتەشا سووری پێک ئانین، و ئیدیئا کر کو ئەڤ ئێریش د بەرسڤا وان گولەبارانکرنا دە یە کو ل ناڤچەیا جۆلان یا داگرکری تێن ئەنجام دایین..
