په‌كه‌كێ 2 گه‌نجێن رێكانییان ل همبه‌ر 10 هه‌زار دۆلاران ئازاد كرن
پارتییا كاركه‌رێن كوردستانێ 2 گه‌نجێن باشوورێ ولات ئێن باژارێ شێلادزێ كو ل مه‌هێن رابووری ده‌سته‌سه‌ر كربوون، ل همبه‌ر په‌ره‌یان سه‌ربه‌ست به‌ردان.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره كرن، هه‌ردو جوانێن هۆزا رێكانییان ئێن ب ناڤێ «رێگر عه‌لی خالد» و «ئوسامه عیسا محه‌مه‌د» كو ژ باژارۆكێن سیریێ و شێلادزێ نه‌و ل مه‌هێن رابووری ژ بال په‌كه‌كێ ڤه هاتبوون ره‌ڤاندن، ل همبه‌ر 5 هه‌زار دۆلاران ژبۆ هه‌ر یه‌كی هاتن ئازاد كرن.
ده‌ست نیشان كر، ئه‌ڤ هه‌ردو جوانێن باشوورێ ولات ئێڤارییا دوهـ رۆژا یه‌كشه‌می 26/7/2020ان ل ساعه‌ت 6:00 ژ بال په‌كه‌كێ ڤه هاتن ئازاد كرن، پاش كو مالباتێن وان په‌ره ته‌سلیمی په‌كه‌كێ كرین.
پێگه‌ها «داركا مازی» ل 9 مه‌ها رابووری مژارا گه‌نجێن هۆزا رێكانییان كو ژ بال په‌كه‌كێ ڤه هاتبوون ره‌ڤاندن پارڤه كربوو و هۆرگلیێن هه‌ری تایبه‌ت و سه‌ده‌مێن ڤێ ره‌ڤاندنێ تێده هاتبوون زه‌لال كرن.
