کلچدارۆغلو: ئەز سۆزا چارەسەریا پرسگرێکا کورد ددم

کلچدارۆغلو: ئەز سۆزا چارەسەریا پرسگرێکا کورد ددم

سەرۆکێ گشتی یێ جەهەپێ کەمال کلچدارۆغلو، د جڤینا کۆما پارتیا خوە دە دیار کر کو  سۆزا چارەسەریا پرسگرێکا کورد ددە و وھا گۆت: “٤٠ سالن پرسگرێکا کورد تێ نقاشکرن. ٤٠ سالن چما نایێ چارەسەرکرن؟ ٤٠ سالن ئۆتۆریتەیا سیاسی پرسگرێکا کورد چارەسەر نەکر. ئەز سۆز ددم کو ڤێ پرسگرێکێ د ناڤا ستانداردێن دەمۆکراتک و سەرخوەبوونا ترکیەیێ دە چارەسەر بکم.

سەرۆکێ گشتییێ جەهەپێ کەمال کلچدارۆغلو، د جڤینا کۆما پارتیا خوە دە بال کشاند سەر ھەفتەیا ٨٠٠ەمینێن دایکێن شەمیێ و گۆت: “٨٠٠ ھەفتەیە کۆمەک دایک ل زارۆکێن خوە دگەرن. دەما زارۆکێن وان وندا بوون ھنەک ژێ ١٣، ٢٠، ٣٠ سالی بوون. زارۆکێن وان ژ ئالیێ ھێزێن ئەولەھیێ ڤە ھاتن بنچاڤکرن و گرتن. پشتی دەمەکێ ئاگاھی ژ وان نەھات گرتن. دایک ٨٠٠ ھەفتەیە دچن قادا گالاتاسارایێ قورنەفل داتینن. دایک تەنێ دخوازن جھێ گۆرێن زارۆکێن خوە فێر ببن. لێ دانینا قورنەفلەکێ ژ بۆ وان زێدە دیتن. کەسێن کو دەنگێ ڤان دایکان نەبھیزن ئەز نکارم ژ وان رە بێژم مرۆڤن. ئەم مەجبوورن دەنگێ داییکێن شەمیێ ببھیزن. دایکێن شەمیێ دایکێن ب مبارەکن. زارۆکێن وان ژی ھەنە. کی بوو سەدەم کو زارۆکێن وان بچن؟ دڤێ جوداکاریێ نەخن ناڤا دایکان. ب قاسی کو رایەدارێن دەولەتێ گوھ نادن دەنگێ ڤان دایکان تشتەکی ب ئێش تونەیە. ژ بۆ جیھان ڤێ ئەیبێ نەبینە دەستوور نادن کو دایکێن شەمیێ ل قادێ چالاکیان ل دار بخن.”