رێخستنا تەندورستییا جیھانێ دێ ٢٠ تۆن ئالیکاریا بشینە لبنانێ

رێخستنا تەندورستییا جیھانێ دێ ٢٠ تۆن ئالیکاریا بشینە لبنانێ

رێخستنا تەندورستییا جیھانێ (WHO) رۆژا پێنجشەمێ (٦ێ تەباخێ) راگھاند کو ئەو دێ ٢٠ تۆن ئالیکاری بشینە لبنانێ ژ بۆ کو ئالیکاریا قوربانیێن تەقینا بەیرووتێ بکە.

ل گۆری رێخستنا تەندورستیێ یا جیھانێ، ئەو ئالیکاری وێ ل یەک ژ عەمبارێن وێ ل دوبەی هێن شاندن ژ بۆ لبنانێ.

رێخستنێ لێ زێدە کر کو ب سەد ھەزاران کەس ل لبنانێ ب شەواتەکە گران و برینێن دن ژی زرار دیتنە ژ ئەنجاما ڤێ تەقینا دژوار کو ھەوجەیە وەرن چارەسەر کرن.

ل گۆری مەدیایا ناڤخوەیی یا لبنانی، سێ نەخوەشخانەیێن بەیرووتێ ئەو قاس زرار دیتنە کو ب راستی ژی ھاتنە سەکناندن. دو نەخوەشخانە ژی ھندک زرار دیتنە. بریندارێن تەقینا بەیرووتێ ھاتنە ڤەگوھەزتن ژ بۆ نەخوەشخانەیێن ل دەڤەرێن جودایێن لوبنانێ، لێ پرانیا ڤان نەخوەشخانەیان شیانێن پێویست بەردەست نینە.