ئێریشێن ده‌وله‌تا تركیێ ئێن ل سه‌ر باشوورێ ولات ده‌وام دكن، باله‌فرێن جه‌نگ هه‌رێمێن حه‌فته‌نین و ئاڤاشینێ هه‌ده‌ف كرن، ل باكورێ كوردستانێ ژی ئۆپه‌راسیۆن ل مێردینێ تێ مه‌شاندن.
وه‌زاره‌تا به‌رگریێ ئا تركیێ ئیرۆ ل حه‌سابا خوه ئا تویته‌رێ ئیلان كر كو باله‌فرێن جه‌نگ ل نوقته‌یێن په‌كه‌كێ ل هه‌رێمێ حه‌فته‌نین و ئاڤاشینێ ل باشوورێ كوردستانێ خستنه و زرارێن جانی ب گه‌ریلایان كه‌تنه.
ل گۆر داخویانییا تركیێ، 3 گه‌ریلا ل حه‌فته‌نینێ و 2 ل ئاڤاشینێ كه‌تنه به‌ر ئێریشان و چاره‌نڤیسا وان نه‌دیاره.
ل ڤێ ده‌ربارێ ده، ل مێردینا باكورێ كوردستانێ جه‌ندرمه‌یان ئۆپه‌راسیۆن پێكئانین، موھیمات و ئالاڤێن ژیانێ یێن په‌كه‌كێ ھاتن ئيمها كرن، هه‌موه‌خت بۆمبەیێن دەستان، مەلزەمەیێن د چێکرنا تەقەمەنیان دا تێن بکارانین، موھیمات، ھن خوارن و خورەک و ئالاڤێن ژیانێ ده‌ست ب سه‌رده هات گرتن.
ل ده‌ربارا ئێریشێن حه‌فته‌نینێ ناڤه‌ندا مه‌دیایی ئا هه‌په‌گێ بالێ له‌شكری ئێ په‌كه‌كێ تو ئاگاهی نه‌دانه.
