سه‌رۆكێ رووسیا فه‌ده‌رال، ئیرۆ بكارئانینا یه‌كه‌م ڤاكسینا دژه ڤیرۆسا كۆرۆنا ئا نوو كۆڤید-19 ئیلان كر و ڤاكسینا یه‌كێ دختۆران ل سه‌ر كه‌چا وی تێست كر.
ڤلادیمێر پۆتین ئێ سه‌رۆكێ رووسیایێ، ئیرۆ رۆژا سێشه‌می 11/8/2020ان، به‌رهه‌م و بكارئانینا ڤاكسینا یه‌كێ ل ئاستا جیهانێ كو دژه ڤیرۆسا كۆڤید-19ێ یه ئیلان كر و یه‌كم ڤاكسین ژ بۆ كه‌چا وی ئا ب ڤیرۆسێ كه‌تی، هات تێست كرن.
ڤاكسین ژ بال ده‌زگه‌ها گامالایه ئا رووسیایێ هاتییه به‌رهه‌مئیانین و ئیرۆ رۆژا سێشه‌می، ژ بال وه‌زاره‌تا ته‌ندروستیێ بكارئانینا وێ هات ئیلان كرن.
ڤلادیمێر پۆتین ب ڤێ بوونێ داخویانی دا و دبێژه ئه‌و ب هێڤی یه د ده‌مه‌كی هه‌ری زوو ده ڤاكسین بگهیته هه‌ژماره‌كه هه‌ری زۆر ئا نه‌خوه‌شان.
سه‌رۆكێ رووسیایێ، ل ده‌ربارا كوالێتی و ئاكتیڤییا ڤاكسینێ دبێژه: یه‌ك ژ كه‌چێن من ب ڤیرۆسێ كه‌تییه، ڤاكسین ژ بۆی كه‌چا من هات دانین و پله‌یا گه‌رمایا لاشێ وێ ژ 38 بۆ 37 پله‌یان داكه‌تییه.
پاش به‌لاڤبوونا شه‌وبا كۆرۆنایێ ل ته‌ڤاهیيا دنێ، هه‌ژماره‌كه هه‌ر زێده ئا ولاتێن پێشكه‌تی د هه‌ولا چێكرنا ڤاكسینه‌كێ ده‌نه، ڤاكسینا ده‌زگه‌ها گامالایه دبه ڤاكسینا یه‌كێ ل ئاستا جیهانێ كو ده‌ستوور ژ بۆی بكارئانینا وێ هاتییه دایین.
