چیایێ مه‌تینی هات بۆردۆمان كرن

چیایێ مه‌تینی هات بۆردۆمان كرن

باله‌فرێن جه‌نگ ئێن ده‌وله‌تا تركیێ ئیرۆ د ته‌عقیبا حه‌ره‌كه‌تێن په‌كه‌كێ ده‌، ناڤچه‌یێن چیایی ئێن ده‌ڤه‌را به‌رواری بالا هه‌ده‌ف كرن.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كرن، ئیرۆ رۆژا سێشه‌می 11/8/2020ان، باله‌فرێن جه‌نگ ئێن ده‌وله‌تا تركیێ ئێریشێ ده‌ڤه‌را به‌راوری بالا كر و ل نوقته‌یێن په‌كه‌كێ خستییه‌.

هه‌موه‌خت هه‌ر ئیرۆ باله‌فران ئێریشی چیایێ مه‌تینی كر و هه‌ژماره‌كه‌ مۆشه‌كان ل نوقته‌یێن په‌كه‌كێ خستنه‌، ئاگاهی وها هاتن ئیلان كرن كو دوو گه‌ریلایێن په‌كه‌كێ جانێ خوه‌ ژ ده‌ست دانه‌.

وه‌زاره‌تا به‌رگریێ ئا تركیێ ل حه‌سابا خوه‌ ئا تویته‌رێ ئه‌ڤ ئێریش به‌حس كرنه‌ و گۆتییه‌ كو ئێریشا وان ئا ل مه‌تینی گه‌ریلا هه‌ده‌ف كرنه‌.

نێزی حه‌فتییه‌كێ یه‌، ده‌وله‌تا تركیێ ئێریشێن دژی په‌كه‌كێ ل باشوورێ ولات دژوار كرنه‌، هه‌ری كێم 10 گه‌ریلا جانێ خوه‌ ژ ده‌ست دانه‌.