شانەیا راگھاندنا ئەمنی یا ئیراقێ دەربارێ بۆمبەبارانا جڤینا فەرماندارێن ھێزێن زێرەڤانێن سینۆرییێن وی وەلاتی و پیکیکێ دە داخویانیەک بەلاڤ کر و راگھاند، بۆمبەباران ژ ئالیێ بالافرا ترکیێ ڤە ھاتیە کرن و دو ئەفسەرێن ئیراقی و شۆفێرێ ئۆتۆمۆبیلا وان ھاتنە کوشتن.
د داخویانیا شانەیا راگھاندنێیا ئەمنی ھاتیە گۆتن، ل ناڤچەیا سیدەکانێ بالافرا بێ پیلۆتا ترکیێ ئێریشی ھێزەکا مە کریە و د ئەنجامێ دە دو ئەفسەران ژیانا خوە ژ دەست دانە.
شانەیا راگھاندنێیا ئەمنییا ئراقێ دبێژە: “ترکیێ ب رێیا بالفرەکە بێ فرۆکەڤان ئێریشی وەسایتەکە لەشکەری یا زێرەڤانێن سینۆر ل ناڤچەیا سیدەکانێ کریە، کو بوویە سەدەما شەھیدبوونا فەرماندارێ لیوایا دویەما زێرەڤانێن سینۆرێن ناڤچەیا یەکەم و فەرماندارێ فەوجا سێیەم یا سەر ب لیوایا دویەم و ئاژۆکارێ وەسایتێ.”
د داخویانیێ دە ھاتیە گۆتن، کو د دەمێن پێش دە دێ ھوورگلیێن زێدەتر ل سەر ئێریشێ بێنە راگھاندن.
پشتی کو شەڤا دەرباسبوویی ئالۆزی و پەڤچوون دناڤبەرا هێزێن سینۆری یێن ئیراقێ و چەکدارێن پەکەکێ ڤە ل سینۆرێ سیدەکان چێبوون، ئیرۆ پاش نیڤرۆژێ هنەک ژ فەرماندارێن سەربازی یێن پاسەوانێن سینۆری یێن عیراقێ ژ بۆ هوشداری دان ب گەریلایێن پەکەکێ چووبوون جەم پەکەکێ، لێ بەلێ پشتی ڤەگەرینێ ترۆمبێلا وان یا سەربازی ژ بال بالەفرەک بێ پیلۆت ئا ترکیێ ڤە هات ئارمانجکرن و تێدە دو فەرماندارێن لەشکری و شۆفێرێ ترۆمبێلا وان شەهید کەتن.
