ده‌رخستنا بالیۆزێ تركیێ ژ ئیراقێ تێ خوه‌ستن

ده‌رخستنا بالیۆزێ تركیێ ژ ئیراقێ تێ خوه‌ستن

پارلمه‌نته‌ره‌كێ ئیراقێ، داخوازێ ژ حكوومه‌تا ولاتێ خوه‌ دكه‌، بالیۆزێ تركیێ ب سه‌ده‌ما ئێریشێن سه‌ر باشوورێ كوردستانێ ژ وه‌لات وه‌ره‌ ده‌رخستن.

پارلمه‌نته‌ر مه‌نسوور بعێجی، ئیرۆ رۆژا پێنجشه‌می 13/8/2020ان د به‌یانامه‌یه‌كه‌ فه‌رمی ده‌، داخواز ژ حكوومه‌تا ئیراقێ كر كو ب سه‌ده‌ما ئێریشێن تركیێ ئێن ل سه‌ر باشوورێ كوردستانێ تێن ئه‌نجام دایین، بالیۆزێ تركیێ ئێ ل به‌غدایێ وه‌ره‌ ده‌رخستن.

ناڤبووری هه‌ر وها خوه‌ستییه‌ كو ئیراق ته‌ڤ تێكلیێن خوه‌ یێن بازرگانی  ئابووری ل گه‌ل تركیێ قوت بكه‌، وه‌كه‌ به‌رسیڤه‌كێ ژ بۆی وێ یه‌كێ ترك جاره‌كه‌ دن د خوه‌ ده‌ بچن‌ و ئێدێ سه‌روه‌رییا خاكا ئیراقێ ژێر پێ نه‌كن‌.

مه‌نسووری بعێجی دبێژه‌: هه‌ر چه‌ند كو حكوومه‌تا ئیراقێ به‌رسڤێن گونجای نه‌ستینه‌ و ب به‌یانێن شه‌رمینۆك به‌رسیڤا تركیێ بده‌، ترك وێ ده‌ست درێژیێن خوه‌ بدۆمینن و وێ پێتر لێ بكه‌، حكوومه‌تا ئیراقێ ژ پێشێلكاریێن تركیێ به‌رپرسیاره‌ و ب وێ یه‌كێ وێ ده‌ستوورا ولات ژی سه‌رپێچی كر.

ئه‌ڤ نێزی دو مه‌هانه‌ ئێریشا تركیێ ل سه‌ر باشووری ولات ده‌وام دكه‌، حكوومه‌تنا ئيراقێ ته‌نێ یاداشتێن نه‌رازیبوونێ دانه‌ بالیۆزێ تركیێ و تو هه‌نگاڤه‌كه‌ ب باندۆر د ڤێ ده‌ربارێ ده‌ نه‌ستاندییه‌.