فره‌نسا ئێریشێن سه‌ر باشوورێ كوردستانێ ب خه‌ته‌ر دبینه‌

فره‌نسا ئێریشێن سه‌ر باشوورێ كوردستانێ ب خه‌ته‌ر دبینه‌

وه‌زاره‌تا كارێن ده‌رڤه‌ ئا فره‌نسایێ، ئیرۆ ئێریشێن ده‌وله‌تا تركیێ ئێن ل سه‌ر باشوورێ كوردستانێ تێن مه‌شاندن، پرۆته‌ستۆ كرن و ب پێشهاته‌كه‌ خه‌ته‌ر ب ناڤ كر.

وه‌زاره‌تا كارێن ده‌رڤه‌ ئا فره‌نسایێ ئیرۆ رۆژا پێنجشه‌می 13/8/2020ان، ل ده‌ربارا ئێریشێن ده‌وله‌تا تركیێ ئێن ل سه‌ر باشوورێ كوردستانێ داخویانی دا و تێده‌ ئه‌ڤ ئێریش پرۆته‌ستۆ كر.

د داخویانییا فره‌نسایێ ده‌، ئێریشا سه‌ر سیده‌كانێ كو دوو فه‌رماندارێن ئارته‌شا ئیراقێ تێده‌ جانێ خوه‌ ژ ده‌ست دانه‌، هاتییه‌ شه‌رمه‌زار كرن و ب پێشهاته‌كه‌ خه‌ته‌ر ناڤ كرییه‌.

تێ زانین ل ڤێ داویێ ره‌وشا ل ناڤبه‌را تركیێ و فره‌نسایێ د چه‌ندین مژاران ده‌ ئالۆز كه‌تییه‌، فره‌نسایێ ئیرۆ ئیلان كر كو ئه‌وێ هنه‌ك باله‌فرێن رافال و گه‌مییه‌كه‌ له‌شكری ل رۆژهلاتا ده‌ریا ناڤی ب جی بكه‌، وه‌كه‌ هه‌نگاڤه‌كه‌ دژ ژبۆی هه‌ولێن تركیێ ئێن لێگه‌رینێ ل په‌ترۆلێ ل ئاڤا هه‌رێمی.

ل 11 ڤێ مه‌هێ، باله‌فرێن بێ پیلۆت ئێن تركیێ ناڤچه‌یه‌كه‌ سیده‌كانێ هه‌ده‌ف كر و تێده‌ دوو فه‌رماندارێن ئارته‌شا ئیراقێ جانێ خوه‌ ژ ده‌ست دا كو د وێ ده‌مێ ده‌ ژ بۆ هۆشداری كرنا په‌كه‌كێ ل وێ ناڤچه‌یێ به‌لاڤه‌ ببوون.