بەردەڤکێ وەزیرێ دەرڤەیێ ویلایەتێن یەکبوویی و نوونەرێ وی ل لبنانێ دێیڤید هیل رۆژا شەمی (١٥ێ تەباخێ) تەکەز کرن کو واشنتۆن دخوازە لێپرسینەک بەرفرەھ، زەلال و پێباوەر ل سەر بۆمبەبارانکرنا بەندەرا بەیرووتێ بجیھ بینە.
دێیڤید هیل راگهاند: “تیمەک ژ FBI-یێ رۆژا یەکشەمێ دێ وەرن بەیرووتێ و ئەمێ بخەبتن کو بەرسڤێن زەلال ژ گەلێن لوبنانی رە دەربارێ ڤێ بوویەرێ پەیدا بکن،” هیل تەکەز کر کو پێویستە حکوومەتا لوبنانی کۆنترۆلا خوە ل سەر سینۆر و ناڤەندێن فەرمی هەبە.
وی دوبارە کر کو دەولەتێن یەکبوویی جارەکە دن رێ نادە کو ئالۆزی ل سەر سینۆرێ ئاخ و ئاڤێن لوبنانێ روو بدن.
ھێژایی گۆتنێیە کو دێیڤید هیل شەڤا پێنجشەمی یا دەرباس بوویی چوو لبنانێ و د دەما مایینا خوە دە کو دو رۆژ بوون، وی ب گەلەک کاربدەست و کەسایەتیێن ناڤدارێن وەلات رە، د ناڤ دە سەرۆکوەزیر میشێل عون، سەرۆکێ پارلامەنتۆیێ نبیە بری، سەرۆک وەزیرێ کابینەیا دەمکی حەسان دیاب، سەرۆکوەزیرێ بەرێ و بەشارە پترۆس ئەلراعی رە ھەڤدیتن پێک ئانین.
ل گۆری راگھاندنا مەدیایا لبنانی، دێیڤید هیل ئیرۆ بەندەرا بەیرووت و جیھێ تەقینا ترسناک یا ٤ێ تەباخێ زیارەت کر، کو تێدا ١٧٨ کەسان جانێ خوە ژ دەست دا، ٦٠٠٠ کەس ژی بریندار بوون و زێدەتری ٣٠ کەسان ژی وەندا بوون.
دێیڤید هیل رۆژا رابووری دەستنیشان کر حکوومەتا ئامەریکایێ یا ئامادەیە ژ بۆ “پشتگریکرنا حکوومەتا لوبنانێ د پێکئانینا گوھەرتنەک بنگەھین و راستین ل وی وەلاتی”، و وھا لێ زێدە کر: «سۆزێن ڤالا ئێدی نایێن پەژراندن. واشنگتۆن ئامادەیە کو پشتگریێ بدە حکوومەتەکی کو ژ بۆ پێکئانینا گوھەرتنەکە راستین دەست ب کار ببە و داخوازێن گەل بجی بکە.«
