حەسەن رووحانی یێ سەرۆک کۆمارێ ئیرانێ دەربارێ لھەڤکرنا کو د ناڤبەرا ئیسرائیل و میرگەهێن ئەرەبی یێن یەکبوویی دە ھات ئیمزاکرن دە داخویانییەک بەلاڤ کر.
ئیرۆ 15/8/2020ان سەرۆک کۆمارێ ئیرانێ حەسەن رووحانی ئیمارات ئانگۆ میرگەھێن ئەرەبی ب توندی ھشیار کر.
ئیرۆ سەرۆککۆمارێ ئیرانێ حەسەن روحانی د گۆتارەکی تەلەڤیزیۆنی دە راگەھاند، رێکەفتنا ئیسرایل و ئیماراتێ خیانەتە ل فلیستینێ، عەرەب، موسلمانان و باژارێ قودسێ.
رووحانی د داخویانییا کو بەلاڤ کر دە دەستنیشان کر “بلا ئیمارات ھشێ خوە بینە سەرێ خوە و بلا زانبە کو حەرەکەتەکە خاینا مەزن دکە. ئەم ھشیاری ددن ئیماراتێ کو ل ھەرێمێ پێشییا رەژیما ئیسرائیلێ ڤەنەکە. ھەکە ڤێ یەکێ بکە ئەمێ ب شکلەکە دن ھەلوەستەکێ نیشانی وان بدن.”
ل گۆر حەسەن رووحانی میرگەھێن عەرەبی، ئەگەر وسا بفکرە کو ب نێزیکبوونا ل گەل ئامەریکایێ و ئیسرایلێ ڤە، ئاساییش و ئابۆریا خوە دێ بھێز بکە خەلەتی دکە. “ئاسایی کرنا پەیوەندییا د گەل ئیسرائیلێ نە د بەرژەوەندیا ئیماراتێ دایە”.
رووحانی د بەردەواما داخویانییا خوە دە دیار کر کو رەژیما ئیسرائیلێ بەردەوامە ل سەر داگیرکرنا ئاخا فەلەستینێ.
رووحانی داخوەیانیا خوە وەها بەردەوام کر: “رەژیما ئیسرائیلێ جنایەتێن خوەیێن ل ھەمبەر گەلێ فلستینێ ددۆمینە. لێ میرگەهێن عەرەبی یێن یەکبوویی پێ رە پەیمانەکێ ئیمزا دکە کو ئەم د ڤی واری دە هشیاریێ ددن وان دا کو ژ ڤێ خەلەتییێ ڤەگەرن.
