CNN: ئیران پارەیان ددەتە تالیبانێ داکو هێرشی لەشکەرێن ئەمریکایێ ل ئەفغانستانێ بکەت

CNN: ئیران پارەیان ددەتە تالیبانێ داکو هێرشی لەشکەرێن ئەمریکایێ ل ئەفغانستانێ بکەت

CNNێ ب ڤەگوهاستن ژ زاردەڤێ دەزگەهێن ئیستیخباراتی یێن ئەمریکایێ راگەھاند کو ئیران پارەیان ددەتە شەرڤانێن تالیبانێ دا کو لەشکەرێن ئەمریکی و ناتۆیێ ل ئەفغانستانێ بکەتە ئارمانج.

ڤی کانالی راگھاند کو ئیستیخباراتا ویلایەتێن یەکبوویی یێن ئەمریکایێ د سالا بۆری دا شەش هێرشێن ژ لایێ شەرڤانێن تالیبان ڤە ل سەر وان هاتیە ئەنجامدان، خستبوون ژێر لێکۆلینێ دا. ل گۆری ئیستیخباراتا ئەمریکی، هێرشا تالیبانێ ل سەر بارەگەھا لەشکەری یا ئەمریکی ل باگرام (پاروان) دکەڤیتە ڤی چارچووڤەیی دا.

پارە ژ ھێلا وەلاتەک بیانی ڤە

ل گۆری راپۆرتێ، ئەڤ پارە ژ لایێ دەولەتەک بیانی ڤە ھاتینە دان، و چاڤکانیەک ل پەنتاگۆنێ ژ CNN را راگەھاندیە کو ئەو وەلاتێ بیانی ئیرانە. ل گۆری بەلگەیێن وەزارەتا پاراستنێ یا ئامەریکایێ، ئەو پارە ژ بۆ تۆرا ھەققانی هاتینە فرێکرن، کۆمەک کو ژ لایێ جیگرێ رێبەرێ تالیبانێ ڤە دهێتە رێڤەبرن.

راپۆرت وەھا بەردەوام دکەت کو ناڤێ وەلاتێ بیانی یێ کو ئەڤ پارە بۆ تۆرا هەققانی فرێکرینە ل دەف پەنتاگۆنێ ب نەهێنی مایە و نەهاتیە ئاشکەرا کرن، لێ دو چاڤکانیێن نێزیکی سازیێن ئیستیخباراتا ئەمریکی د پەیوەندیا د گەل CNN دا تەکەز کر کو “ئەڤ وەلاتە ئیرانە”.