ل دێرەزۆرێ تەقین: ئەفسەرەکێ رووسی جانێ خوە ژ دەست دا

ل دێرەزۆرێ تەقین: ئەفسەرەکێ رووسی جانێ خوە ژ دەست دا

ل دەڤەرا دێرەزۆرێ یا سووریێ تەقینەک قەومی و د ئەنجاما تەقینێ دا ئەفسەرەکێ رووسیایێ ژیانا خوە ژ دەست دا و دو لەشکەر ژی بریندار بوون.

ل گۆر داخویانیا وەزارەتا بەرگریا رووسیایێ، ١٥ کیلۆمەتران نێزیکی دێرەزۆرێ، دەما لەشکەرێن رووسی گەرەکا چاڤدێریێ ئەنجام ددا، تەقینەک چێبوو.

وەزارەتا بەرگریا رووسیایێ د داخویانیا خوە دا ئاشکرا کریە کو د ئەنجاما تەقینێ دا ئەفسەرەکێ رووسی ژیانا خوە ژ دەست دایە و ٢ لەشکەر ژی بریندار بوونە.

د داخویانیێ دا ھاتیە دەستنیشانکرن: رۆژا ١٨ێ تەباخێ ل کۆمارا عەرەبی یا سووریێ کاروانێ لەشکەری یێ رووسی کو هاریکاری یێن مرۆڤی گەھاندبوون، دەما ڤەدگەریان، ١٥ کیلۆمەتران ل نێزیکی دێرەزۆرێ، تەقەمەنیەکا ب دەستان چێکری کو ل رەخێ رێ ھاتبوو دانان، تەقیا. پشتی تەقینێ ٣ لەشکەر بریندار بوون. د دەما ڤەگوھەستن و دەرمانکرنا برینداران دا ئەفسەرەکی رووسی ژ بەر برینێن خوە یێن گران، ژیانا خوە ژ دەست دا.