باله‌فرێن تركیێ ئیرۆ ئێریشێ هه‌رێما زاپێ یا ل باشوورێ كوردستانێ كر، زرارێن جانی گهاندن گه‌ریلایێن په‌كه‌كێ.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا چارشه‌مبیێ 19/8/2020ێ، باله‌فرێن تركیێ ئێریشێ هه‌رێما زاپێ ل باشوورێ كوردستانێ كر، د ئێریشان دا 2 گه‌ریلایێن په‌كه‌كێ جانێ خوه ژ ده‌ست دا.
ل ڤێ ده‌ربارێ دا، وه‌زاره‌تا پاراستنا نه‌ته‌وه‌ی یا تركیێ ل سه‌ر حه‌سابا خوه یا تویته‌رێ ئه‌ڤ ئاگاهی به‌لاڤ كرنه.
ئه‌ڤ ده‌ما دوو رۆژان بوو، ئێریشێن تركیێ یێن ل سه‌ر په‌كه‌كێ ل باشوورێ كوردستانێ ب ئاوایه‌كی هاتبوون سینۆر دار كرن، پشتی كو ل هه‌فته‌یا رابووری په‌كه‌كێ زرارێن مه‌زن خوارین.
ئیرۆ 2 مه‌هـ و 4 رۆژ ل سه‌ر ده‌ستپێكرنا ئێریشا تركیێ ل سه‌ر باشوورێ كوردستانێ ده‌رباس دبن، ئه‌و ئێریشا مه‌زنترین زرارێن وێ به‌ر هه‌رێما باشوورێ كوردستانێ كه‌تین كو ژ وی ده‌می ب ده‌هان گوندێن باشوور هاتنه ڤالا كرن و ئێریش نێزی گوند و باژارۆكان بووینه.
