وەزیرێ دەرڤەیێ ئەمریکا مایک پۆمپییۆ راگھاند، ئەمریکا لگەل چارەسەرکرنا پرسگرێکێن د ناڤبەرا ھەولێر و بەغدایێ دایە و ئەو بەغدایێ ھان ددەن کو رێکەفتنا بودجەیێ دگەل حکوومەتا ھەرێما کوردستانێ ئیمزا بکەن.
وەزیرێ دەرڤەیێ ئەمریکایێ مایک پۆمپییۆ پشتی جڤینا دگەل وەزیرێ دەرڤەیێ ئیراقێ فوئاد حوسێن، د کۆنفەرانسەکا رۆژنامەڤانی یا ھەڤبەش دا راگھاند: دخوازن بەغدا پرسگرێکێن خوە دگەل ھەرێما کوردستانێ چارەسەر بکەت و ئەم بەغدایێ ھان ددەین، تا کو رێکەفتنا بودجەیێ دگەل حکوومەتا ھەرێما کوردستانێ ئەنجام بدەت.
پۆمپییۆ گۆت ژی: ئەمریکا دخوازیت ئابۆریا ئیراقێ یا بھێز بیت و ئارامی ڤەگەریتە ناڤچەیێ و پرسگرێک ب دیالۆگێ بێنە چارەسەرکرن.
وەزیرێ دەرڤەیێ ئەمریکایێ راگەھاند، ئەو دێ بەردەوام بن ب ھەڤکاریا مرۆڤی بۆ ئیراقێ و ٢.٤ ملیۆن دۆلار ژ بۆ ڤەگەرا کۆچبەران و ئاڤەدانکرنا ناڤچەیێن زیان دیتی ھەڤکاری ب ئیراقێ دانە.
ل واشنگتۆنێ گەرەکا نوویا گۆتووبێژێن ستراتیژی د ناڤبەرا واشنگتۆن و بەغدایێ دا دەستپێ کریە، وەزیرێ دەرڤەیێ ئەمریکا مایک پۆمپییۆ ژ لایێ ئەمریکا ڤە و وەزیرێ دەرڤەیێ ئیراقێ فوئاد حوسێن ژی ژ ئالیێ ئیراقێ ڤە سەرۆکاتیا ڤێ گەرا دانووستاندنان دکەن.
