ل سەر داخوازیا واشنگتۆنێ سەرۆکوەزیرێ ئیراقێ سەردانا خوە درێژتر کر

ل سەر داخوازیا واشنگتۆنێ سەرۆکوەزیرێ ئیراقێ سەردانا خوە درێژتر کر

ل گۆری سەکرەتەرێ ئەنجوومەنا وەزیرێن ئیراقێ، سەرۆکوەزیر موستافا کازەمی داخوازەک ژ حکوومەتا ئەمەریکی وەرگرتیە کو سەردانا خوە بۆ واشنتۆن درێژ بکەت.

ل گۆری چاڤکانیێن ئاگەھدار، کازەمی داخوازەک ژ ناڤەند و کاربدەستێن ئەمریکی وەرگرتیە کو سەردانا خوە ل واشنتۆن درێژ بکەت و ب پاشخستنا رۆژا ڤەگەرا خوە، یا کو ژ بۆ ئێڤارا ٢٠ێ تەباخێ ھاتبوو دیار کرن، کازمی داخوازا ئامەریکایێ قەبوول کریە.

ڤان چاڤکانیان تەکز کر کو درێژکرنا سەردانا کازمی ل سەر داخوازا بەرپرسێن کۆنگرێسێ و داخوازا ئەندام و سەرۆکێ جڤاتا نوونەران و ھەژمارەک ناڤەندێن ئابۆری، لێکۆلین و سیاسی هاتیە پێشنیار کرن، و دهێتە چاڤەرێکرن د جڤینێن نوو دا  کازمی دگەل سەرۆکێ جڤاتا نوونەران نانسی پلوسی بجڤیت.

ئەڤ یەک د دەمەکی دایە کو کازمی ل گۆر بەرنامەیا کار، دێ دگەل دۆنالد ترامپ کۆم بیت و ل سەر مژارێن پەیوەندیێن دوئالی د بیاڤێ ئەولەھی، ئابۆری و تەندورستی دگەل سەرۆک دۆنالد ترومپ ھەڤدیتنان پێک ئینیت.

قەسرا سپی تەکەز کر کو سەردانا کازمی ل دەمەک حەساس و ل ژێر گەفێن ئەولەھیێ هاتیە ئەنجامدان، و مەبەستا سەرەکەی یا ڤێ سەرەدانێ، دێ پرسگرێکێن ئابۆری و مژارێن ئەنەرژی و وەبەرھێنانێ بن.

کازمی ل جهێ مایینا خوە ل ئۆتێلێ ل واشنتۆنێ دگەل مایک مۆمپئۆ وەزیرێ کارێن دەرڤە یێن ئەمریکایێ هەڤدیتن پێکئانی و هەردو ئالی ل سەر گرینگترین مژارا جیێ سەرنجراکێشانا هەر دو دەولەتان و رێکێن بەرفرەهکرنا پەیوەندیێن دناڤبەرا ئیراقێ و ئەمریکایێ د بیاڤێن جودا جودا دا نیقاش کرن.

زێدەباری ڤێ یەکێ، د جڤینێ دا تێکەلیێن ئابۆری و ھەڤکاریا د ناڤبەرا ھەر دو وەلاتان دا د بیاڤێن پێشکەفتن، وەبەرھێنان و پێشیلێگرتنا ڤیروسا کۆرۆنا دا، و ھەر وەھا ھەڤکاریێن دوئالی د شەرێ دژی تیرۆرێ و دانووستاندنێن ستراتەژیک د ناڤبەرا ھەر دو وەلاتان دا ھاتن نیقاش کرن.

د ڤێ دەربارێ دە، وەزیرێن بەرەڤانیا ئامەریکا و ئیراقێ ژی ل سەر ھەڤکاریا ئەولەھیا دوئالی گوفتووگۆ کرن، و گرنگیا بەردەوامیا نووئاڤاکرنا ھێزێن ئیراقی ژ ئالیێ هەر دو ئالیان ڤە ھات پەژراندن.