دەربارێ وێ ژنا ل بەسرا ھاتیە کوشتن گومان ژ ئیرانێ تێنە کرن

دەربارێ وێ ژنا ل بەسرا ھاتیە کوشتن گومان ژ ئیرانێ تێنە کرن

کانالا سکای نیۆز ئاشکرا کر، ئەو ژنا ل بەسرا ھاتیە کوشتن، ژ لایێ ئیرانێ ڤە د لیستەیا کرێگرتی و ھەڤکارێن ئەمریکایێ دا جیھ دگرت.

دوھی ئێڤاری 19/8/2020ێ ھەژمارەک چەکدارێن نەناس ل سەر رێیەکا گشتی یا باژارێ بەسرایێ گولە ل ژنا چالاکڤان و پزیشک رەیحام یەعقوب بەردان و ئەو کوشتن.

مالپەرا کانالا سکای نیۆز ئاشکەرا کر، بەری نھا ئاژانسا مێھر یا ئیرانێ راپۆرتەک بەلاڤ کربوو و د وێ راپۆرتێ دا ھەژمارەک چالاکڤانێن خوەپێشاندانێن ئیراقێ وەک کرێگرتی و ھەڤکارێن ئەمریکایێ پێناسە کربوون و ناڤێن وان ژی بەلاڤ کربوون.

رەیحام یەعقوبا پزیشک یەک ژ وان ٣ ژنێن چالاکڤان و پێشەنگێن خوەپێشاندانێن بەسرایێ بوو، ب گولەیێن چەکدارێن نەناس ڤە ھاتە کوشتن و بەردەوام داخوازا رێگرتنا ل دەستوەردانێن ئیرانێ د کارووبارێن ناڤخوەیی ئیراقێ دا دکر.