٥ فرۆکەیێن بێ فرۆکڤان ل شیلادزێ کەتنە خوارێ

٥ فرۆکەیێن بێ فرۆکڤان ل شیلادزێ کەتنە خوارێ

ئیرۆ دانێ سپێدێ ٥ فرۆکەیێن بێ فرۆکڤان ل نێزیکی ٢ گوندێن شیلادزێ ل پارێزگەھا دوھۆکێ کەتنە خوارێ.

چاڤکانیێن پێگەها دارکا مازی ل باشوورێ کوردستانێ ئەشکەرە کرن ئەو فرۆکەیێن بێ فرۆکڤان، یەک ل گوندێ باوان کەتیە خوارێ، یەکە دن ل ناڤا گوندێ دێیۆکێ و ٣ ژی ل دەرڤەی گوندێ دێیۆکێ کەتن و چ زیان د ئەنجاما کەتفتنە خوارا وان فرۆکەیان دا نەبوون.

چاڤکانیێن دارکا مازی ل باشوورێ کوردستانێ هەر وەها ئەشکەرە کرن کو گوومان تێ کرن ئەو فرۆکەیێن بێ فرۆکەڤان یێن پارتیا کارکەرێن کوردستانێ “پەکەکێ” بن و ب ڤێ رێ یێ خواستبیت قەرەقۆلا ترکیێ یاکو دکەڤە شێلادزێ هەدەف بکە و ب ڤێ رێیێ ئالۆزیان ل ناڤچەیا شێلادزێ دروست بکە.

چاڤکانیێن مە تەکەز کر کو گولەیەکە ھاونێ ژی ل نێزیک فرۆکەیەکێ ھاتیە دیتن، تێ گوومانکرن کو ب فرۆکەیێ ڤە ھاتبوو بەستن داکو ل قەرەقۆلا ترکیێ ئا ل شێلادزێ وەرە خستن.

ئەڤ بوویەرە بوویە سەدەما پەیدابوونا ترسەک مەزن ل جەم خەلکێ ناڤچەیێ ب گشتی، ترسان وان ژ وێ یەکێ یە کو ب ڤان کارێن پەکەکێ باژار ب خوە ژ ئالیێ ترکیێ وەکە تۆلهلدان بهێنە هەدەفکرن و زرارێن مادی و جانی ب خەلکێ ناڤچەیێ بگەهن، وەلاتی داخواز دکەن کو ترکیە و پەکەکە شەرێ خوە ل ناڤچەیێن وان دوور بکن و بچن مەیدانا خوە یا شەرکرنێ کو باکورێ کوردستانێ یە.

٥ فرۆکەیێن بێ فرۆکڤان ل شیلادزێ کەتنە خوارێ

پوستێن ھەمان بەش