ئیران: مافێ ئامەریکا نینە جارەکا دی سزایان لسەر ئیرانێ بسەپینیت

وەزرێ دەرڤەیێ ئیرانێ نامەک بۆ جڤاتا ئەولەکارییا نەتەوێن یەکگرتی هنارت و تێدا گۆت، ئەمریکا چ ماف نینە داخوازا ڤەگەراندنا سزایێن نەتەوێن یەکگرتی بسەر ئیرانێ بکەت. ل گۆری مالپەرا وزارەتا دەرڤەیا ئیرانێ، محەمەد جەواد زەریف گۆت، ئەمریکا مافێ داخوازکرنێ ل سالا ٢٠١٨ێ ژ دەست دا ل دەمێ خوە ژ رێکەفتنا ناڤۆکی یا دناڤبەرا ئیران و وەلاتێن زلهێزێن جیھانێ ڤەکێشای.

ھەروەسا گۆت، ڤەکێشانا تاک لایەنانە یا ئەمریکا زێدەگاڤی بوو ل سەر بریارا نی. وەزیرێ دەرڤەیێ ئەمریکا مایک پۆمپیئۆ ل رۆژا پێنجشەمبێ ب فەرمی داخوازا ڤەگەراندنا تەڤایا سزایان ل سەر ئیرانێ کر لێ ھەڤالبەندێن ئەمریکا راگەھاندن کۆ پێنگاڤا ئەمریکا نە قانوونیە و سەرناکەڤیت.

پۆمپیئۆ رژدە کۆ ئەمریکا مافێ ڤەکێشانێ ژ رێکەفتنێ و ڤەگەراندنا سزایان ھەیە سەرەرایی ڤەکێشانا وێ ژ رێکەفتنا سالا ٢٠١٥ ئەوا جڤاتا ئەولەکارییێ قەبوول کری.

رێڤەبەرییا سەرۆک دۆنالد ترومپ دخوازیت جارەکا دی سزایان ل سەر ئیرانێ بسەپینیت پشتی ئەو سزا ب بریارەکا نەتەوەیێن یەکگرتی ھاتینە سسیت کرن.

زەریف دا زانین کو گەلێ ئیرانێ چاڤەرێ دکەت جڤاتا ئەولەکارییێ ئەمریکا ناچار بکەت بەرپسیارییێ ھەلگریت و زیانان نەگەھینە گەلێ ئیرانێ.