رووپەلا تویتەرێ یا رێبەرێ بلندێ کۆمارا ئیسلامییا ئیرانێ، ئایاتوڵاھ خامەنەیی، ب بکارئینانا تەلەفۆنەک ئایفۆن ئاخافتنێن وی سەبارەت رەخنەگرتن ژ هاوردەکرنا “تەلەفۆنێن زیرەک یێن ئەمریکی” ژ بۆ ناڤا ئاخا ئیرانێ پارڤەکر.
رووپەلا تویتەرێ یا رێبەرێ ئیرانێ ب زمانێ رووسی، ب بکارئینانا ئایفۆنەکێ توێتەک بەلاڤکر، خامەنەیی د ڤێ تویتتێ دا هاوەردەکرنا “تەلەفۆنێن زیرەک یێن ئەمریکی” رەخنە کر.
رێبەرێ ئیرانێ، کو ب هەلکەفتا حەفتەیا حکوومەتێ، ب رێیا ڤیدیۆ کۆنفەرانسێ دگەل جڤاتا حکوومەتێ ئاخفت، گلەیی ژ هاوردەکرنا نیڤ ملیارد یۆرۆیی یا تەلەفۆنێن ئایفۆن د سالا 2019ێ دا کر، و داخوزکر رێ ل ڤێ یەکێ بهێتە گرتن.
مالپەرا ئابۆری یا برات نیوز راگھاند کو پشتی داخویانیێن رێبەرێ ئیرانێ، بازارا تەلەفۆنان ل ئیرانێ راستی ئالۆزیێ هات و بھایێ چەند مۆدێلێن جودایێن مارکەیا ئایفۆنێ د ناڤبەرا ١ حەتا ٣ ملیۆنان زێدە بوو.
رووپەلا فارسی یا رێبەرێ بلندێ ئیرانێ، زووکا نڤیسا ل ژێر توێتێ کو ئاشکەرا دکەت ب رێکا ئایفۆنێ هاتیە بەلاڤکرن ژێ بر، لێ وێنەیەک ڤێ تویتێ، کو د ھەمان دەمێ دا ل سەر رووپەلا رووسی یا رێبەرێ ئیرانێ ژی ھات بەلاڤکرن، د سۆشیال میدیایێ دا ھات پارڤەکرن.
