بەرپرسێن ئەمریکایێ راگھاندن کو د ئەنجاما بوویەرەکا ھاتنووچوونێ یا د ناڤبەرا ترۆمبێلێن ئەمریکی و رووسی دا، ھەژمارەک سەربازێن وان بریندار بوونە.
ل گۆر نووچەیا ئاژانسا رۆیتەرسێ، دو بەرپرسێن ئەمریکی ئاشکەرا کریە کو ل رۆژاڤایێ کوردستانێ، دو ترۆمبێلێن سەربازی ل ھەڤ کەتنە.
ل گۆر وان بەرپرسان د ئەنجاما وێ بوویەرا ھاتنووچوونێ دا ھەژمارەکا سەربازێن ئەمریکی بریندار بوونە.
ھەر ل گۆر وێ نووچەیێ وان ھەردو بەرپرسان کو ناڤێن خۆ ئاشکەرا نەکرنە، تەکەز کریە کو ئەو بوویەرەکا ھاتنووچوونێ بوویە و چ شەرەک د ناڤبەرا ھەردو لایان دا روو نەدایە.
ھاتیە دیارکرن کو وان بەرپسان راگھاندیە، “بوویەر ل باکور رۆژھلاتێ سووریێ چێ بوو و برینا سەربازان سڤکە.”