ئه‌مه‌ریكا: شه‌نگال ده‌ستپێكه‌ و په‌كه‌كه‌ ل وێرێ نامینیت

pkk şengal

ویلایه‌تێن یه‌كبوویی یێن ئه‌مه‌ریكایێ ل ئاستێ به‌رز داخوازا ده‌رێخستنا چه‌كدارێن پارتییا كاركه‌رێن كوردستانێ ژ شه‌نگالێ كر و راگهاند كو ئه‌ڤ ده‌ڤه‌ره‌ ده‌ستپێكه‌ ژ بۆ رێككه‌فتنا هه‌رێما كوردستانێ و ئیراقێ.

جویی هۆد، جیگرێ هاریكارێ وەزیرێ كارێن دەرڤە یێ ئه‌مەریکایێ بۆ کاروبارێن رۆژھه‌لاتا ناڤین، د كۆنگره‌یه‌كا رۆژنامه‌ڤانی دا داخواز كر، په‌كه‌كه‌ و میلیشیایێن دی ژ شه‌نگالێ دەربکەڤن و گۆت كو شه‌نگال باشترین جھە ژ بۆ دەست پێ کرنا رێکكەفتنا ھەرێما کوردستانێ و ئیراقێ.

جێگرێ هاریكارێ وه‌زیرێ ده‌رڤه‌ هه‌روه‌ها ده‌ست نیشان كر، شه‌نگال ده‌ڤه‌ره‌كا گرنگه‌ و هه‌گه‌ر ژ په‌كه‌كێ و میلیشیایان و د ناڤا وان دا په‌كه‌كێ بهێته‌ پاقژ كرن، دێ ده‌ستپێكه‌كا هه‌ره‌ باش بیت.

په‌كه‌كێ پاش ئۆپه‌راسیۆنا رزگار كرنا شه‌نگالێ ل وێ ده‌ڤه‌رێ جێگیر بوویه‌ و بوویه‌ ئه‌گه‌ر كو هه‌تا رۆژا مه‌ یا ئیرۆ ب سه‌دان مالباتێن ئاواره‌ یێن ئێزدی نه‌ڤه‌گه‌رن باژارێ خۆ، پاش بوویه‌رێن 16ی ئۆكتۆبه‌را 2017ێ ژی په‌كه‌كێ ملێ خۆ دا به‌ر ملێ حه‌شدا شه‌عبی و نها پێكڤه‌ د شه‌نگالێ دا نه‌.

ئه‌ڤ یه‌ك ل ده‌مه‌كی یه‌، په‌كه‌كێ چه‌ندین هێز و ل ژێر ناڤێن جودا ل شه‌نگال دامه‌زراندینه‌ و ب ده‌هان گه‌نج و خۆرتێن ئێزدی ره‌ڤاندینه‌، داوی جار ره‌ڤاندنا 70 وه‌لاتیێن شه‌نگالێ بوو، ده‌ما كو خۆپێشاندان ژ بۆ ده‌رێخستنا په‌كه‌كێ كرین.