ئیسرائیلێ ل باشوورێ سووریێ ئێریشی هێزێن ئیرانێ کر

ئیسرائیلێ ل باشوورێ سووریێ ئێریشی هێزێن ئیرانێ کر

چاڤکانیێن سووری ئەڤرۆ رۆژا سێشەمی 1/9/2020ێ راگەھاندن کو د ئێریشا مۆشەکی یا ئیسرائیلێ ل سەر تاخێن چەکی یێن حیزب الله و رێژیما ئەسەد دا ل باشوورێ سووریێ، ب کێماتی 11 میلیشیایێن گرێداییی ئیرانێ و رێژیما ئەسەد هاتنە کوشتن.

د ڤێ ئێریشا مۆشەکی دا زیدەباری کوشتنا میلیشیاتێن گرێدایی ئیرانێ ڤە هندەک میلیشیایێن دی ژی بریندار بوون، هەر وەها زەرەرێن مالی یێن گەلەک زێدە ژی ب پێگەهـ و ستراگەهێن هێزێن حیزب الله و رێژیما ئەسەد کەفتن.

ل گۆری رەوانگەھا سووری یا مافێن مرۆڤان، د ناڤا کەسێن ئەڤرۆ هاتیە کوشتن دا پێنج ئەندامێن میلیشیایێن گرێدایی ئیرانێ ڤە هەنە. ھەر وەھا، ٣ ژ قوربانیێن ڤێ بۆمبەبارانێ ھەموەلاتیێن نە سووری نە.