ئاژانسا فەرمی یا سووریێ “سانا” راگھاند: ب دەھان بارھلگرێن سەر ب ئارتێشا ئەمریکایێ ژ ئیراقێ دەرباسی ناڤ ئاخا سووریێ بوونە.
ئیرۆ سێشەمێ ئاژانسا سانا دیار کر، کاروانێ سەربازی یێ ئەمریکایێ ژ ٦٠ ترۆمبێلێن بارھەلگر پێک ھاتبوو و چەندین ئۆتۆمۆبیلێن سەربازی ژ بۆ پاراستنا وان دگەلدا بوون و ھەموو سەر ب ھێزێن ئەمریکایێ بوون.
ھەروھا ھاتیە ئاشکەراکرن کو ئیرۆ پشتی نیڤرۆ ژ دەریێ سنۆری یێ وەلیدێ ل ناحیا یەعرووبیە یا ل نێزیکی سنۆرێ ئیراقێ دەرباس بوونە و چوونە ناڤ ئاخا سووریێ.
ل گۆر ڤێ ئاژانسێ، د ناڤ وان ترۆمبێلێن بارھەلگر دا پێویستیێن سەربازی و لۆژیستیک ھەبوون و بەر ب بنکەیێن ئەمریکا یێن ل دەردۆرا حەسەکێ دچوون.
