هه‌وا ده‌سته‌سه‌ركرنا چالاكڤانێن رۆژئاڤا ده‌ستپێكر

6 چالاكڤانێن رۆژئاڤا كه‌تن ده‌ستێ تركیێ

هێزێن ئه‌وله‌هییا تركیێ ئیرۆ سه‌رێ سبێ 6 چالاكڤانێن رۆژئاڤا كوردستانێ كو ل سته‌نبۆلێ بوون، ده‌سته‌سه‌ر كرن.

ل گۆر ئاگاهیێن ده‌ستێ مه‌، ئیرۆ رۆژا شه‌می 5/9/2020ان، هێزێن ئه‌وله‌هییا تركیێ ل سته‌نبۆلێ، ئۆپه‌راسیۆنه‌ك ل دژی ئه‌ندامێن په‌كه‌كێ دا مه‌شاندن، د ئه‌نجامێ دا 6 چالاكڤانێن سۆشیال مه‌دیایێ كو ژ رۆژئاڤا كوردستانێ نه‌ بنچاڤ كرن.

د ڤێ ده‌ربارێ دا، وه‌زاره‌تا كارێن ناڤخوه‌ یا تركیێ د به‌یانه‌كه‌ نڤیسكی دا ئه‌شكه‌ره‌ كر كو ئه‌ڤ كه‌س ب ئاوایه‌كی قاچاغ ده‌رباسی تركیێ بوونه‌ و هه‌ر هه‌موو ئه‌ندامێن په‌یه‌دێ و یه‌په‌گێ یا شاخا په‌كه‌كێ نه‌ ل سووریێ.

ده‌ست نیشان كر، ئۆپه‌راسیۆنا بنچاڤ كرنێ ل 7 ناڤچه‌یێن سته‌نبۆلێ پێكهاتییه‌ كو هه‌ژماره‌كا چه‌كان وه‌كه‌ فیشه‌ك و ساجۆر و چه‌كێ سڤك هاتنه‌ بده‌ست خستن.

ل گۆر ڤێ به‌یانێ، 2 به‌رگومانان فیرار كرییه‌ و ژ بۆی بنچاڤكرنا وان ژی، ئۆپه‌راسیۆنا ل سته‌نبۆلێ به‌رده‌وامه‌.

پوستێن ھەمان بەش