بزانه‌ د ڤێ سالێ دا چه‌ند گه‌ریلا ژ په‌كه‌كێ ڤه‌قه‌تیانه‌؟

بزانه‌ د ڤێ سالێ دا چه‌ند گه‌ریلا ژ په‌كه‌كێ ڤه‌قه‌تیانه‌؟

ب ده‌هان گه‌ریلایێن پارتییا كاركه‌رێن كوردستانێ د ئه‌ڤ ساله‌ دا، رێزێن رێخستنێ ب جهـ هێلانه‌، ئه‌گه‌رێن ڤه‌قتیانا پرانییا وان، یه‌كه‌.

ل ده‌مه‌كی شه‌ر و په‌ڤچوونێن نێڤبه‌را په‌كه‌كێ و تركیێ ل باشوور و باكورێ كوردستانێ به‌رده‌وامن، هه‌وه‌خت ڤه‌قه‌تیانا گه‌ریلایان ژی ده‌وام دكه‌، ل گۆر ئاگاهیێن كو ئیرۆ هاتنه‌ پارڤه ‌كرن، ته‌نێ د ئیسالێ ده‌، 146 گه‌ریلایان رێخستنا په‌كه‌كێ ب جی هشتنه‌ و ده‌رباسی تركیێ بوونه‌.

د ڤێ ده‌ربارێ دا، وه‌زاره‌تا كارێن ناڤخوه‌ یا تركیێ د به‌یانه‌كه‌ نڤیسكی دا ئه‌شكه‌ره‌ كر، ئیسال و ب رێیا رازی كرنێ، 146 گه‌ریلایان رێزێن په‌كه‌كێ ب جی هشتنه‌ و ڤه‌گه‌رینه‌ تركیێ.

ل گۆر ئاگاهیێن ده‌ستێ مه‌، گه‌ریلایێن كو د ئیسال دا رێزێن رێخستنێ ب جی هشتنه‌، یێن باشوور و رۆژئاڤا كوردستانێ نه‌.

رێخستنا په‌كه‌كێ هه‌ر كه‌سێ ژ رێزێن وێ ده‌ردكه‌ڤیت چ كادر بیت یان گه‌ریلا، ب چاڤێ خایینێ گه‌ل و ولات لێ نێریت و حوكمێ كوشتنێ هه‌ژی ژ بۆ دبینیت، ل ده‌مه‌كی پرانییا كه‌سێن كو ژ ڤێ رێخستنێ د ره‌ڤن ئه‌ون پشتی كو سیاسه‌تا نه‌ نه‌ته‌وی یا په‌كه‌كێ و سه‌رۆكێ وێ عه‌بدوللا ئۆجالان فێم كرین و زانین كانێ چ قاس ئه‌ڤ رێخستن ب گرۆپا خوه‌ یا ئه‌نقه‌رێ ڤه‌ كه‌تییه‌ ل ژێر باندۆرا ولاتێن داگیركه‌رێن كوردستانێ و ژ بۆ ئه‌جێندایێن وان ولاتان ته‌ڤ دگه‌ره‌.