ھێزێن لەشکەری یێن یۆنانێ ل دژی تەڤگەرێن ترکیێ کەفتنە حالەتێ ئامادەباشیێ

هەڤدەم دگەل ئۆپەراسیۆنێن رۆژا یەکشەمبی 6/9/2020ێ یێن ترکیێ، ب بەشداریا کۆمارا قبرسا باکور (گرێدایی ترکیێ)، یۆنانێ ھێزێن خوە خستن ئامادەباشیێ دا.

د ڤێ ناڤبەرێ دا، میدیایا ترکیێ، کو ھندەک ژ وان نێزیکێ حکوومەتا ئەردۆگانن، تەکەز دکەن کو ئەنقەرێ تانک برنە سەر سنۆرێ یۆنانێ.

چاڤکانیێن لەشکەری یێن ترکیێ نووچەیا شاندنا تانکان ژ بۆ سەر سنۆرێ یۆنانێ رەد کر و گۆتن کو ڤەگوھاستنا تانکان ژ بۆ ویلایەتا “مالاتیا” ژ بەرێ ڤە ھاتیە پلان کرن.

ل گۆری رۆژنامەیا خەبەرلەر یا ترکیێ، دو کاروانێن تانکان ژ باشوورێ ویلایەتا “ھاتای” یا ل سەر سینۆرێ سووریێ دەرباسی ویلایەتا “ئەدرنە” یا ل سەر سنۆرێ یۆنانێ بوونە.

سەرۆک کۆمارێ ترکییێ رەجەب تەییب ئەردۆگان رۆژا شەمبیێ هەڤدەم دگەل دژوارکرنا ئاخافتنا خوە یا دژی یەونانستانێ، ئەڤ وەلات ب “ئەزموونێن ب ئێش و ئەنجامێن مەیدانی و دانووستاندنێن دژوار” تەھدید کر.

وی د ئاخافتنەکا خوە دا کو د مەراسیما ڤەکرنا “کۆمەلگەها پزیشکی”یا ل ستەنبۆلێ کو د تەلەڤیزیۆنی دە هات پەخشکرن گۆت. “ترکیە و گەلێ وێ ژ ھەر سیناریۆ و ئەنجامان را ئامادە نە”.

وەزیرێ کارێن دەرڤە یێ یۆنانێ ژی د گەرماھیا کریزا دگەل ترکیێ، چوو نیۆیۆرکێ کو دگەل سکێرتێرێ گشتی یێ نەتەوەیێن یەکبوویی ئانتۆنیۆ گوتیرەس ھەڤدیتنان بکەت.

کاربدەستێن ترک دبێژن کو ئە دێ رۆژا یەکشەمێ (٦ێ ئیلۆنێ) ژ بۆ پێنج رۆژان ئۆپەراسیۆنێن لەشکەری ل دەریایا ناڤین دەستپێ بکەن.