په‌كه‌كه‌ ناھێلیت دگه‌ل تەڤ-دەمێ رێكبكه‌ڤین

په‌كه‌كه‌ ناھێلیت دگه‌ل تەڤ - دەمێ رێكبكه‌ڤین

سەرۆکێ ئەنجوومەنا نشتمانییا کورد ل سووریێ ئەنه‌کسێ دبێژیت، ئەنه‌کسێ و تەڤ-دەمێ د دانوستاندنێن خۆ دا پێنگاڤێن باش هاڤێتینە، لێ په‌كه‌كه‌ ئاستەنگان چێدكه‌ت و ناھێلیت ئەم و تەڤ-دەم رێكبكه‌ڤین، ژ بەر کو مەرجێ مە ئەوە کو په‌كه‌كه‌ قەت دەستێ خۆ د کاروبارێن رۆژئاڤایێ کوردستانێ وه‌رنه‌ده‌ت.

سەرۆکێ ئەنه‌که‌سێ سعوود مەلا بۆ مالپه‌را پارتی ئینفو راگه‌ھاند، دانوستاندنێن ئەنه‌که‌سێ و تەڤ-دەمێ به‌رده‌وامن، گاڤێن باش ھاتینە هاڤێتن، لێ په‌كه‌كه‌ ئاستەنگان چێدکەت، په‌كه‌كە دزانیت کو دەمێ ئەم و تەڤ-دەم رێكدكه‌ڤین، وی دەمی چ رۆل بۆ وێ ل رۆژئاڤایێ کوردستانێ نامینیت، لەوما ب ھەموو شێوەیان ئاستەنگان بۆ دانوستاندنان چێدكه‌ت، ژ بۆ کو ئەم رێكنه‌كه‌ڤین.

سعوود مەلا ھەر وھا گۆت، یەک ژ شەرتێن ئەنه‌که‌سێ ئەوە کو نابیت په‌كه‌كه‌ دەستێ خۆ بێخیته‌ ناڤ کاروبارێن رۆژئاڤایێ كوردستانێ دا، ژ بەر وێ ژی په‌كه‌كێ دڤێت ل پێشییا رێکكەفتنا ھەر دو ئالییان ببیت ئاستەنگ، ژ بۆ کو ئەگەر ئەنه‌که‌سه‌ و تەڤ-دەم ل ھەڤ بکه‌ن وی ده‌می چ رۆلێ په‌كه‌كێ ل وێرێ نامینیت.