کۆمکارا عەرەبی دخازێ ژ ترکیێ دکەت ھێزێن خوە ژ سووریێ، ئیراق و لیبیایێ ڤەکێشیت

کۆمکارا وەلاتێن عەرەبی دەستوەردانێن ترکیێ یێن د کارووبارێن ناڤخوەیێن دەولەتێن عەرەبی دا شەرمەزار کر و داخاز ژ ئەنقەرێ کر کو ھێزێن خوە ژ سووریێ، ئیراق و لیبیایێ ڤەکێشیت.

ئەڤ شەرمەزارکرن و داخواز، د راگھاندنا ئێکەم کۆمبوونا “لژنەیا عەرەبی یا دووڤچوونا دەستوەردانێن ترکیێ د کارووبارێن دەولەتێن عەرەبی” دا ھات.

د راگەھاندنێ دا ھاتیە دیارکرن کو ڤێ لژنەیێ ھەموو شێوازێن دەستوەردانێن دژمنکاری یێن ترکیێ د کارووبارێن وەلاتێن عەرەبی دا شەرمەزار کر، ب تایبەتی دەستوەردانێن ل ئیراق، سووریێ و لیبیایێ و ھەروھا وەکو بنپێکرنێن مەزنێن یاسایێن ناڤدەولەتی و بریارێن ئەنجوومەنا ئاساییشێ دبینیت.”

ھەروھا ئەڤرۆ ئەمیندارێ گشتی یێ هاریکارێ کۆمکارا وەلاتێن عەرەبی حوسام زەکی دیار کر کو دەستوەردانێن ترکیێ و ئیرانێ د کارووبارێن وەلاتێن عەرەبی دا پێدڤییە بهێنە راوەستاندن.

حوسام زەکی دا زانین: “ئەنقەرە و تەھران ھەول ددەن دەستکەفتێن خوە ل سەر حسابا عەرەبان ب دەست بینن.” ھەروھا گۆت: “نیگەرانیەکا مەزن دەربارێ ڤان دەستوەردانان دا ھەیە.”