گونده‌كێ دهۆكێ ب سه‌ده‌ما په‌كه‌كێ ب ته‌مامه‌تی تێ شه‌وتاندن

گونده‌كێ دهۆكێ ب ته‌مامه‌تی تێ شه‌وتاندن

باله‌فرێن جه‌نگ یێن ده‌وله‌تا تركیێ، ل شه‌ڤا ده‌رباسبوویی ب سه‌ده‌ما په‌كه‌كێ، گونده‌كێ باشوورێ كوردستانێ بۆمبه‌باران كر، ناڤه‌ند و ئاقارێ گوند ب ته‌مامه‌تی شه‌وتاندن.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كر، سه‌رێ سبێ یا ئیرۆ 12/9/2020ان، باله‌فرێن جه‌نگ یێن ده‌وله‌تا تركیێ د ته‌عقیبا حه‌ره‌كه‌تێن په‌كه‌كێ دا، ناڤه‌ند و ئاقارێ گوندێ ب ناڤێ رویسێ یێ گرێدای باژارێ زاخۆ ل سینۆرێ پارێزگه‌هییا دهۆكێ هه‌ده‌ف كر و زرارێن پر مه‌زن گهاندن گوندێ ناڤبووری.

ب سه‌ده‌ما بۆمبه‌بارانێ، ئاقار و ناڤه‌ندا گوند ب ته‌مامه‌‌تی هاتنه‌ شه‌وتاندن و زرارێن پر مه‌زن ڤێ كه‌تنه‌، ئاگاهی ل ده‌ربارا زرارێن په‌كه‌كێ نینن.

ل ده‌ما سێ مه‌هێن رابووری و پاش دژواربوونا ئێریشێن تركیێ ل سه‌ر باشوورێ كوردستانێ، پارتییا كاركه‌رێن كوردستانێ حه‌ره‌كه‌تا گه‌ریلایێن خوه‌ خستنه‌ ناڤا گوند و سینۆرێ باژارۆكان و ب وێ سه‌ده‌مێ ئه‌ڤ گوند به‌رده‌وام د كه‌ڤن به‌ر ئێریشان.

ژ ده‌ستپێكا ئێریشا مه‌زنا تركیێ ژی ل سه‌ر باشوورێ كوردستانێ كو ل ناڤه‌راستا مه‌ها خزیرانا ئیسالێ بوو، په‌كه‌كێ پێتر خوه‌ نێزی گوندان كرییه‌ و ب وێ سه‌ده‌مێ هه‌ژماره‌كا ولاتیێن سڤیل كه‌تنه‌ به‌ر ئێریشان و شه‌هید كه‌تنه‌ و پێتری 50 گوندان هاتنه‌ ڤالا كرن، ئامانجا په‌كه‌كێ ژ ڤێ هه‌نگاڤێ ئه‌ڤه‌ كو ئه‌ڤ گوند ببن مه‌یدانا شه‌ر و وه‌رن ڤالا كرن.

پوستێن ھەمان بەش